tradukoj: be de en fr hu pl pt ru sv

^*dron/i

^*droni

1.

Perei per sufokiĝo en akvo: dronanto eĉ herbeton kaptas avide [1].

2.

Ŝipperei per subakviĝo, enabismiĝi: la ŝipo dronis kun la tuta ŝipanaro.

3.

(figure) Enprofundiĝi kaj malaperi aŭ perdiĝi: droni en amaso da kusenoj; dronantaj en koto reloj; domo dronanta en silento kaj duonlumo^B; la voĉo dronis en bruo; droni en krepusko^B, nebulo, mallumo, malproksimo; en azia lukso dronis la energio de l' faraonoj [2]; tute droninta epoko.

4.

(figure) Embarasiĝi kaj implikiĝi, esti superŝutata kaj embarasata per io: droni en ŝuldoj^Z; droni en detaloj[3]; droni en laboroj ĝis super la oreloj^Z.

5.

(figure) Enprofundiĝi kaj esti ekskluzive okupata per: droni en medito^B; droni en revoj, en siaj pensoj, en malespero^B; droni en larmoj, en enuo, en admiro^B.

dronigi

1.

Igi dronanta 1 kaj 2: por hundon dronigi, oni nomas ĝin rabia [4]; ne maro dronigas ŝipon sed la ventoj [5]. subakvigi, mergi, alfundigi, enabismigi.

2.

(figure) Enprofundigi: dronigi la manojn en la sangon de iu; la infano dronigis en la longaj haroj de l' hundo siajn malgrandajn manetojn^B; dronigi glavon en ies bruston^B; la brilo de la luno dronigis la montetojn kvazaŭ en vasta arĝenta bano; tiu kvartalo droniĝas en luksegaj ĝardenoj.

3.

(figure) Malaperigi, ĉesigi: la tondra ruliĝado de aŭtomobiloj dronigas (superbruas, senaŭdigas) ĉiujn aliajn bruojn; la ribelo estis dronigita en sango.

sin dronigi

Sin mortigi per subakviĝo: ‐ Ĉion bonan, messire, ‐ ŝi diris voĉe kaj pensis: „For, iel ajn for de ĉi tie, ekstere mi iros al la rivero kaj min dronigos“ [6].

droninto

Homo, kiu dronis.

          "Enabismiĝi" meritus aperi sub "abismo". Ĝi
          aspektas
          bona beletra sinonimo de tiu snc kaj ankaŭ de la
          figuraj.
          Enkonduki artikolon "sinki".
          [MB]