vide/o ^RokPop

1.

Arto pri elektronika registro, prilaboro aŭ telekomuniko de moviĝaj bildoj; videarto: ni havis okazon vidi kaj aŭskulti per video la faman operon „La Bohème“ [1]; oni spektas vidbendon, aŭ videoludas, aŭ konsultas teletekston [2]; Liza montris al mi novan videofilmon pri la fama ĉina cirko [3]; ŝi ne havas videoaparaton por projekcii al li ian infanan bildfilmon [4]; [ĉar] preskaŭ ĉiu jam havas hejme videomagnetofonon, ne necesas viziti kinejojn: ĉion eblas rigardi hejme [5]; mi lastatempe ricevis Macbook-on de mia laborejo, kaj ĝi inkluzivas kameraon por videobabili (vd videkamerao) [6]; per videokonferenco parolis el Usono profesoro Sami Repishti [7].

2.

Videaĵo: kiel rapide ĉe vi rul[iĝ]as videoj en YouTube [8]? la paĝaro proponas sian spacon por jenaj tipoj de materialoj: informiloj, fotoj, bildoj, videoj kaj retligiloj [9]; ekzistas nuntempe pli kaj pli multnombraj esperantistaj jutubistoj, kiuj faras videojn pri kaj en Esperanto [10] aŭdregistraĵoj, videofragmentoj kaj citaĵoj de samtempuloj [11].

Filmo aŭ alia produkto de videarto: multaj homoj, precipe la gejunuloj, emas uzi fotilojn aŭ poŝtelefonojn por fari videaĵojn por sin amuzi [12]; videaĵo pri la Zamenhofa tago 2016 en Ljubljano [13]; la videaĵo de tiu ago estas spektebla eĉ kun anglalingvaj subtekstoj [14].

Videaĵo prezentanta muzikaĵon kun akompana filmo: ĉu vi povas rakonti pri tiu muzikvideo, kiel ĝi estiĝis? [15]; la oficiala muzikvideaĵo estas bele farita, konforme al la titolo en formo de mozaiko [16]; estis aldonita muzikvideo de la kanto „Berlino sen vi“ [17]; la bela surprizo estas, ke la muzikvideaĵo kantita en Esperanto estas subtekstigita jam per 10 lingvoj, inkluzive de la pola [18]; la unua profesia muzikvideo de la nova Esperanto-muzikgrupo Supernova [19].