Togoland/o

Ŝtato en la okcidenta Afriko kun ĉefurbo Lomeo; teritorio de Respubliko Togolando, limanta kun Benino, Burkino, Ganao kaj Atlantiko (Gvinea Golfo): prezidantaj elektoj en Togolando [2]; la internacia komunumo intervenu por savi Togolandon [3]; videblas en Togolando antaŭ moskeoj, preĝejoj, vuduejoj aŭ privataj domoj ŝu-paroj, […] simple, ĉar estas malpermesite eniri tiujn ĉi lokojn kun piedoj ŝuumitaj [4]; la vivo en Togolando estas mizera por tiu, kiu devas forlasi sian bienon kaj veni studi en la urbo [5].

Rilata al Togolando: togolanda popolo [6]; mortis la togolanda prezidanto [7]; dum la elekta periodo malpermesas la registaro togolanda al ĵurnalistoj alilandaj eniri la landon [8].

Civitano de Togolando: ni denove komunikiĝis kun junaj togolandanoj kaj la reago estis entuziasma [9]; rabistoj, agresantaj kaj minacantaj, forprenas posedaĵojn, tiel ke la togolandanoj senĉese sin demandas, ĉu la estonteco iam prosperos al ili [10].