¹⁰Timor/o

Insulo de sudorienta Azio, norde de Aŭstralio, teritorio de Indonezio kaj Orienta Timoro: la plej grandaj vir-krokodiloj mezuras preskaŭ sep metrojn […] krom en Aŭstralio ili troviĝas ankaŭ en suda Barato, Srilanko, Papuo-Nov-Gvineo kaj Timoro [1].

La okcidenta parto de la insulo Timoro, kiu plejparte (krom eksklavo) apartenas al Indonezio: Timoro estis okupita fare de Japanio de 1942 ĝis 1945 kaj Okcidenta Timoro iĝis parto de Indonezio post la Indonezia Milito de Sendependeco en 1949, dum Orienta Timoro estis portugala ĝis la deklaro de sendependeco en 2002 [2].

Ŝtato en sudorienta Azio en la insulo Timoro kun ĉefurbo Dilo; Respubliko Orienta Timoro, ĝis 1975 nomata Portugala Timoro, limanta kun Indonezio: la indonezia armeo, ebria je sango, efektivigis unu el la plej grandaj genocidaj masakroj de la lastaj jardekoj, en Orienta Timoro, nome de religiaj veroj kaj naciismo [3]; lastatempe, sendependiĝis Eritreo kaj Orienta Timoro kaj iliaj flagoj aperis en la listo de ŝtataj simboloj [4]; iuj landoj, kiuj sin trovis inter tiuj kun plej altaj indicoj pri infana mortokvanto en la mondo dum 1990 – inkluzive de Bangladeŝo, Butano […], Senegalo kaj Orienta Timoro – plibonigis la infanan postvivadon tiel multe, ke ili ne plu apartenas al tiu grupo [5].