tigr/o

^*tigro

: Specio de pantero kun laŭlarĝe flave-nigre striata felo (Panther tigris): leonoj kaj tigroj simile al lertaj katoj saltadis inter la verdaj plektobariloj [1]; oni kondukis jungeblajn tigrojn kaj leonojn de Nero [2]; senprokraste Duponto eligis siajn ŝuojn, saltegis kiel tigro ĝis la ĉambro de Valentino [3]; troviĝis proksime ankaŭ alia groto, en kiu vivis la glavdenta tigro kaj endanĝerigis la vivon de ili ambaŭ [4]; (figure) nun la vivo de multaj el ili pliboniĝis danke al la tiel nomata „Kelta tigro“, la prospera konjunkturo, kiu sekvis la aliĝon de Irlando al la Eŭropa Komunumo [5].

Sudĉina tigro (Panthera tigris amoyensis) en la bestoĝardeno de Ŝanhajo
CC BY-SA 3.0 [6]

1. H. C. Andersen, trad. L. L. Zamenhof: Fabeloj, vol. 1, Ĝardeno de la paradizo
2. Henryk Sienkiewicz, trad. Lidia Zamenhof: Quo Vadis, Ĉapitro XXXVI
3. Henri Vallienne: Kastelo de Prelongo, Ĉapitro Naŭa
4. Sándor Szathmári: Satiraj rakontoj, Kain kaj Abel
5. Garvan Makaj: Viziti mikroŝtatojn, Monato, 2008/11, p. 19
6. J. Patrick Fischer, propra verko: https://commons.wikimedia.org/wiki/File:2012_Suedchinesischer_Tiger.JPG

: Inseksa tigro: furioza kiel tigrino, kiu kuras post la triumfanta rabinto de ŝiaj infanoj [7]; ŝi staras antaŭ li kiel vundita tigrino kaj svingadas la balailon kun tiom da lerteco, ke la farmisto ektimas [8]; ŝi sin senvestigis per unu sola ekmovo […] kaj ensaltegis kiel tigrino en la liton [9].

7. Frederiko Schiller, trad. L. L. Zamenhof: La rabistoj, Akto Tria
8. Hendrik J. Bulthuis: Idoj de Orfeo, Dua Parto
9. Henri Vallienne: Ĉu li?, Ĉapitro Oka

(frazaĵo)

: Ŝajne minaca, fakte senforta afero: ni konis la intencojn de la koncernaj malamikaj papertigroj [10].

10. W. Kirschstein: Trakti eksterkosmanojn, Literatura Foiro, 2002