substrat/o

substrato

1.: Ia ajn realaĵo, substanca aŭ fenomena, kiu ebligas la ekziston de alia, kaj kvazaŭ subportas ĝin: en plantdomo la plantoj kreskas plej ofte en substratoj, kiuj pli aŭ malpli ne havas kontakton al la tero [1]; por enzim-sistemoj, ĝenerale, la transforma nombro estas la nombro de substrataj molekuloj suferantaj reakcion ĉiuminute danke al unusola enzim-molekulo [2].
2.: (figure) Bazo, fundamenta ideo de doktrino ks: ŝia krea kapablo kuŝas ne en la lingvaĵo, sed en la rakonto, substrato, kiu portu la historian faktaron [3].

1. Vikipedio, Substrato
2. Vikipedio, Influantaj faktoroj de enzima aktiveco
3. Monato, Christian Declerck: Panoramo de la Nerona Romo