^*pilot/o ^UV

1.

Maristo komisiita por gvidi la ŝipojn en malfacilaj trairejoj ĉe eniro aŭ eliro de haveno: la piloto bone konas sian havenon, sed li ne konas la ŝipon [1]; kiam mi sendis miajn ŝipojn post aliaj […], la pilotoj de la fripono Hiram ĵetis sur ilin fajron [2].

2.

(evitinde) Direktilisto: li kontentige kaj feliĉe trapasis sian ekzamenon de piloto, kaj morgaŭ li estis forveturonta sur belega ŝipo [3]; Johano restis ĉe la piloto kaj ordonis levi la ankron [4].

3.

Kondukisto (aŭ tiucela aparato) de flugmaŝino: piloto de helikoptero [5]; li ŝaltas la aŭtomatan piloton kaj hup hup, ĝis kvin minutojn antaŭ la surteriĝo […] [6]; io tre simila okazas, se la pilotoj de pluraj aviadiloj hazarde decidas samtempe komuniki kun la regturo [7].

(tr)

1.

Gvidi ŝipon kiel piloto: se ili vin kaptos, tiam prefere lasu platbati vian grimacilon ol diri, kiu pilotis vin […], la maato ebriis kaj ne sobriĝis antaŭ Bulonjo [8]; (figure) kun kelkaj danaj fiŝistoj mi faris sukan negocon per alkoholaĵoj, kiun mi pilotis tra la doganzono, nu, kaj tiam mi havis sufiĉe da mono [9].

2.

Konduki aviadilon: sian aviadilon li pilotis renversite sub ponto [10]; onidire, ne li pilotis la aviadilon, sed lia kolego, kie estas la dua piloto, ĝis nun ne estas klare [11].

La loko, de kie piloto gvidas veturilon: la stevardino impetas al la pilotejo, sed maljuna pasaĝerino haltigas ŝin [12]; trovinte la pordon al la pilotejo malfermita, li minacis la pilotojn kaj postulis, ke ili direktu la flugon al Romo [13]. navigaciejo, stirejo