²panoram/o ^Fab2

1.

Vasta vidaĵo ĝuata de alta loko: la panoramo de la Alpoj; vasta panoramo prezentiĝis al ili [1]; sur la plej alta pinto […] ni ĝuis belegan panoramon de la urbo kaj ties plej malnovaj kvartaloj [2]; oni disponigis al ŝi terasan apartamenton kun spirhaltiga panoramo [3]; arkitektoj zorgis pri la konservo de urba aspekto per respektado de la historiaj heredaĵoj kaj panoramoj [4]. horizonto

2.

Bildo sur (eventuale virtuala) konkava fono, kiu donas al rigardantoj lokitaj en centro kvazaŭ vidon al objektoj ĉirkaŭantaj ilin: Bernardo Bellotto, kiu naskiĝis en Venecio ĉirkaŭ 1721, estas unu el la ĉefaj reprezentantoj de la tiel nomata panoram-pentrado, la ĝenro de kvazaŭ topografie ĝusta redono de urbaj vidaĵoj [5]; en la kela etaĝo estas montrata (per projekciiloj) la panoramo de la frontregiono, kiun pentris Alfred Bastien post la milito, la dimensioj de la originala panoramo estas 115 oble 14 m [6]; operaciotoj komunikiĝas retpoŝte kun kliniko, sendante ekzemple panoramajn radiografaĵojn kaj aliajn medicinajn informojn al la kirurgo [7].

3.

(figure) Pejzaĝo³: la monda lingva panoramo [8]; Monato fakte signifis defion en la panoramo de la tiutempa Esperanto-gazetaro [9]; la naciaj problemoj trakuras la historion de Hispanio dum la tuta 20a jarcento kaj fariĝis unu el la plej tiklaj punktoj de ĝia kompleksa politika panoramo [10].

1.

Panorame rigardi: oni povas kaj gustumi la ĉinajn pladojn kaj panorami la riveron [11].

2.

(figure) Prezenti multperspektive, multaspekte, tutspektre: la dek KD-oj de „Kolekto 2000“ […] panoramas la nuntempan muzikon en Esperanto [12]. ampleksi, spektro³