⁸pane/o ^PV

Subita malfunkcio de maŝino aŭ procedo: ĉiutagas malfruiĝoj kaj paneoj (ne nur de malnovaj lokomotivoj sed de signala infrastrukturo instalita en la 60aj jaroj) [1]; enŝlosite en panea lifto [2]; rekordaj estis la paneoj dumelektaj, pro kiuj estonte rajtos voĉdoni nur partiaj advokatoj kaj senpartiaj juĝistoj [3]; (figure) momenta cerb- aŭ kor-paneo [4]; en pupteatro paneoj okazas kiam pupistoj volas [5]; oni kaŝadis informojn pri akcidentoj kaj paneoj en atomcentraloj [6]; [pro] paneo de la aperritmo kaj malkresko de la abonantoj estas finita la eldonado de Esperantisto Slovaka [7]; perdiĝis tempo pro paneo de mia komputilo [8]. averio, damaĝo, difekto, incidento, perturbo^1.a

Subite ne plu funkcii: mia aŭto paneas [9]; paneis ĉe ili la elektro [10]; la ideo-fluo inter aŭtoro kaj recenzinto grave paneis [11]; maŝino C-130 de la irana aer-armeo paneis kaj kraŝis apud 10-etaĝa loĝejo [12]; UEA, daŭre […] koncentrita en unu loko, strukture paneis en 2003 [13]. averii, difektiĝi, rompiĝi