²nimb/o

1.

Kolora fono, kiu distinge ĉirkaŭas la kapon aŭ la korpon de figuro; aŭreolo: kaj Maria kaj Kristo […] havas rondajn, ebenajn nimbojn, kiuj simbolas ilian diecon [1].

2.

Nebula heleco aŭ koloro ĉirkaŭanta objekton; haloo: de alto de dek-mil futoj, kvazaŭ de la ĉielo la kaskado fluge ĵetas sin suben, kaj ĉirkaŭ ĝi prezentiĝas nimbo jen ruĝa jen purpura [2].

3.

(figure) Iel impona ŝajno, prestiĝo: doni al la afero nimbon de oficialeco; aperas tiuj […] kiujn ni difinas per la vorto „profeto“; nevidebla nimbo ĉirkaŭas iliajn kapojn, sonas neaŭdebla muziko, neflareblaj aromoj leviĝas el mistikaj ĝardenoj [3].