³modif/i, modifik/i

(tr)

Parte ŝanĝi ion ne tuŝante la esencon: 1887 Zamenhof ne ĉesis ŝanĝi kaj modifi la lingvon [1]; [lia] modifika principo estas akceptita kiel bazo por la religio de la hilelistoj [2]; per modifikado de kruda besta forto [3]; laŭ mia sento la preskoboldo naskiĝis precize tiam, kiam mi ekvidis la sunlumon, nun mi jam modifis tiun mian kredon: nuntempe mi estas konvinkita, ke [lia] tasko estas prizorgi kaj misformi miajn artikolojn, kiam ajn kaj kie ajn ili aperas [4]; la Parlamento samtempe modifis la Leĝon pri Pedagogiaj Seminarioj kaj establis oficialan ŝtatan diplomon pri instruado de Esperanto en elementaj lernejoj [5].

Ŝanĝo kiun oni aplikas modifante ion: Karlo Kirlo […] transdonos al vi sian epokfarantan proponon koncerne la modifon de la internacia lingvo [6]; jen per eta modifo la „ĝardenheĝo“ en la antaŭlasta strofo transformiĝis je „ĝardenneĝo“ [7]; tiuj sonoj, en kiuj superregas la modifa elemento (modifoj, elvokitaj per la lipoj, lango, nazo) estas konsonantoj [8]; kian signifon havas tiuj modifoj? Kial ili estis faritaj? Kaj kiu estas la vera nomo [9]?