miting/o ^SPV

Amasa publika kunveno, celanta esprimi publikan opinion aŭ prezenti postulojn, esprimi aprobon aŭ malaprobon pri socipolitikaj aferoj: mitingo protesta, pacifista, elektokampanja; mitingo de strikantoj, de ekologiismanoj; aranĝi, malfermi mitingon; malpermesi la mitingojn; mi malvarmumis, ŝajne, hieraŭ sub tiu ĉi pluvego, revenante de la mitingo ^Metrop ; preskaŭ samtempe sur la urboplaco mi trafis mitingon de loka filio de „Rusa movado de Krimeo“ [1]; la patriarĥo Kiril deklaris, ke […] ortodoksuloj ne partoprenas mitingojn, ĉar ili […] preĝas en temploj kaj sia hejmo [2]; en mitingo okazigita en Sabadell pri la voĉdonado al Kataluna Parlamento, s-ro Julio Anguita, […] diris: „Estas bone posedi la du lingvojn, la katalunan kaj la kastilian, kaj por la internaciaj rilatoj oni devas uzi tiun belan kaj mirindan lingvon, kiu estas Esperanto“ ^LOdE . manifestacio

Rim.: Kvankam foje uzata samsignife al „manifestacio“, iom diference „mitingo“ kutime okazas en specifa loko, kiel stadiono aŭ halo, kie okazas parolado, precipe al politikaj subtenantoj. Ĝi ne estas protesta marŝo. Manifestacioj okaze komencas aŭ finas per mitingo.

Rim.: La angla vorto „meeting“ estas tre ĝenerala, kaj povas temi pri komerco, religio, amuzo, ktp; iel ĝi internaciiĝis kun ege specifa politika senco.

Rim.: Ne uzu la vorton „mitingo“ anstataŭ „laborkunsido“.