¹ironi/o ^JED

Moka esprimmaniero, laŭ kiu oni esprimas ian penson tute kontraŭan al tio, kion oni intencas komprenigi: ironio povas esti bonkora, skeptika, bruta, maldolĉa, acida, veneniga [1]; junulo respondis Mefres kun favora ironio ĉu vi pensas, ke Oziriso ne povus havi sep fingrojn, se tio plaĉus al li [2]? Vinicius estis tro absorbita per la propraj pensoj, por rimarki la ironion, vibrantan en la vortoj de Chilo [3]; la pika, morda, sagaca ironio de Volter estas same necesega kaj restas imitinda modelo [4]; maldolĉa ironio sonis en la voĉo de la nejuna virino kun severaj trajtoj de vizaĝo, kiam ŝi parolis ^Marta ; la laboristinoj levis la kapojn kaj rigardis la venintinon, unuj kun scivoleco, aliaj kun ironio kaj malica kontenteco ^Marta ; mi renkontis rusan pastron veturanta kun sia familio, ĝentile, sed ne sen ioma ironio, mi demandis lin pri la vojo al la domo de Lev Tolstoj [5]; (frazaĵo) ironio de la sorto! […] se pacaktivulo devus labori en municia fabriko [6]. sarkasmo

Karakterizata per ironio: kun ironia kaj malestima rideto [7]; sin klinante, [li] diris per ironia tono: […] homo, kiu kiel vi tiel longe administris la ŝtaton, devis sin prepari al tiu danĝero [8]; la vivo ankaŭ estas ironia: Volter estis instruita kaj edukita de jezuitoj [9]; se oni citas kontraŭulon la voĉo povas havi ironian koloron [10]; ŝi povosciis imiti tre amuze […] la sopiran majestecon, kun kiu ŝi akceptas la ironiajn respektesprimojn de la junularo [11].

(ntr)

Paroli ironie: ĉu vi seriozas aŭ ironias? vi klasike esprimas viajn pensojn! – ironias Vitalij ^Metrop ; se la kontraŭulo estas […] estas tre simpatia al la publiko, estas tre danĝere ironii: la ironio povas frapi ne la kontraŭulon, sed la oratoron mem [12]; „Via detektiva moŝto, mi ne permesus al mi,“ ironiis la junulo [13]; „bela donaco!“ mi ironiis, „ĝi estas reklamo pri konkurenca senakva kuirilo“ [14]. moki, ŝerci

Ironio, moko, ŝerco pri si: amara, memironia rideto rigidiĝis en liaj buŝanguloj [15]; kun memironieta distanco oni povas engaĝiĝi plene en la surekranaj kaj enludejaj luktoj [16].