⁴ĝemel/o ^PVEF

^PIV2 Dunaskito: montriĝis, ke ĝemeloj estas en ŝia ventro [1]; ni ekveturis en ŝipo Aleksandria, kiu travintris ĉe la insulo kaj ĝia insigno estis la Ĝemeloj (vd Dioskuroj) [2]; [li] havis du knabojn ĝemelojn, ili tiel similis unu la alian, kiel du akvaj gutoj [3]; mi havis kelkafoje okazon renkonti […] ĝemelojn aŭ ĝemelinojn [4].

Rim.: Troviĝas en PV pli ampleksa difino, nome „ĉiu el la idoj, naskitaj ĉe la sama akuŝo“, kiu difino ŝajnas allasi, ke ankaŭ trinaskitojn, kvarnaskitojn ktp oni nomu ĝemeloj. Tamen la koncernan difinon sekvas indiko „dunaskito“, kvazaŭ temus pri sinonimo. Ĉiuokaze la nedisputeblaj uzekzemploj kun pli ol du samtempaj naskitoj ne abundas, se ili entute ekzistas. Oni povas citi: jes, respondas la simplanimulino, mi havos kvin ĝemelojn [5] , sed ĝuste temas pri simplanimulino... En PIV2 oni revenis al la etimologia signifo, kiun ni ĉi tie prezentas.

Stelfiguro kaj signo de la zodiako (Gemini): la signoj de la Zodiako en junio estas Ĝemeloj kaj Kankro [6]; M35 estas malfermita stelamaso en konstelacio Ĝemeloj [7].