^*ĉokolad/o ^PV

1.

Bongusta nutraĵo farita el kakao kaj sukero: museton el ĉokolado […] mia patrino donis […] al mi [1]; [li] prezentis al ili papersaketon kun ĉokoladaj bombonoj de la plej bona speco [2]; mi mem ordigus ĉiun unuopan kuketon […] kun la ĉokolada flanko supre [3]; la okcidentaj butikoj por solidara komerco, ne estas nuraj vendejoj de kafo, ĉokolado, teo, sukero, bananoj, mielo, infuzaĵoj [4]; diverslingvaj surskriboj informas pri ĉokolado kun kanabo – populara droga vegetaĵo [5]; aktuale furoras „altklasa kaj japaneca“ ĉokolado kun aromo de verda teo [6]; laktoĉokolado male perdigas parton de tiu efiko [7]; Amelia pli ofte nutras sin per ĉokoladbiskvitoj [8]; fama ĉokoladejo [9]; [li] ricevas etan premion […], skatolon da ĉokoladaĵoj [10]; Bastjano sopirante rememoris pri du tabuletoj da nuksoĉokolado, kiujn li hejme konservis en la noktoŝranketo [11].

2.

Trinkĉokolado: maljuna markizino […] invitis lin al si por trinki ĉokoladon [12]; pure vestitaj junulinoj prezentis ĉokoladon, kiun ili tre bone ŝaŭmkirlis [13]; tranĉi al mi la gorĝon? veneni min per vino aŭ ĉokolado [14]?

Ĉokolado preparita kiel plejofte varma trinkaĵo, mikse kun akvo aŭ lakto: kvar tasoj da varmega trinkĉokolado[15]. kakao³