bufr/o ^PV

1.

Parto de maŝino aŭ veturilo moderiganta tro fortajn eksterajn puŝojn aŭ premojn horizontalajn: (figure) rekte rilati interkulture estas timige, ĉar tiel perdiĝas la lingva barilo, kiu agas bufre kaj moderigas la ŝokojn [1].

a)

Ŝtipforma instalaĵo en la ekstremoj de vagonoj por moderigi iliajn kunpuŝiĝojn: utiligante la momenton de haltigo [li] eksaltis sur la bufrojn, [kaj] pasis inter la du veturiloj [2]; la deĵoranto aŭdigis akran fajfon, la vagonaro kolere ekgrincis per la bufroj ^Metrop .

b)

Horizontala stango, kiu mildigas la damaĝojn en kazo de kolizio, muntita ĉe la antaŭo kaj ĉe la malantaŭo de la veturilo.

Rim.: Ne konfuzu kun amortizilo, dampilo².

2.

Memoro por provizora konservado de datumoj, precipe ĉe kunlaboro de diversrapidaj traktiloj.

3.

Ilo kiu konektas aparatojn kaj kondukilojn kun malsamaj elektraj rezistancoj aŭ kiu stokas provizore energion por poste liveri ĝin pli rapide.

4.

Miksaĵo, kiu reagas moderige al aldonado de substancoj, ekzemple konservas pH-valoron malgraŭ aldono de fortaj acidoj aŭ bazoj: kalcia karbonato […] funkcias kiel bufro kontraŭ oceanacidiĝo [3].

5.

Geografia zono aŭ neŭtrala ŝtato inter du malamikaj aŭ konfliktantaj ŝtatoj: bufroŝtato [4]; en 1830 Belgio kreiĝis kiel bufro inter la eternaj rivaloj Francio kaj Germanio [5]; minitan terenon […] eniris membroj de la grek-kipra fajrobrigado, kiam ili eniris la bufrozonon dividantan Kipron [6].

6.

Ia rimedo, kiu efikas moderige kontraŭ eksteraj danĝeraj influoj: Svedaj Sindikatoj [diskutas] pri starigo de ŝtataj bufrofondusoj [7]; ili historia kono estas bufro kontraŭ la kaptiloj de naiveco [8].