antecedent/o ^PIV1

(malofte)

Pli frua simila aŭ samtema afero; precedenco; antaŭaĵo²: la moderna matematika senco de „funkcio“ havas siajn antecedentojn en la analiza geometrio de Kartezio [1].

a)

Jurafero, kiun spertis iam homo: unu homo, kondamnita al punlaboroj, ekprenas la firman decidon fariĝi honesta: kio okazos ĉe lia liberiĝo? La socio lin repuŝos, kaj tia repuŝo preskaŭ ĉiam redronigas lin en la malvirton. Ni supozu, kontraŭe, ke neniu scias liajn antecedentojn: li do estos plaĉe akceptata [2].

b)

Antaŭa sankoncerna okazaĵo en la vivo de paciento: la aŭtoroj provis ekzameni 1 598 pluŝursojn kaj akiri detalajn klinikajn antecedentojn [3].

c)

Aserto, el kiu oni povas logike konkludi alian aserton: oni povus nomi la du operandojn de implikacio antecedento ... kaj konsekvenco ^{KompLeks, artikolo „impliklacio“, 1996-02-29} .