tradukoj: be bg ca de el en es fa fr hu it nl pt ru sv tp

*ŝtof/o

*ŝtofo  

1.  
TEKS Fibra materialo el kiu oni faras vestojn, tukojn, litkovrilojn, velojn ktp: kvar metroj da tiu ĉi ŝtofo kostas naŭ frankojn [1]; alfortikigu ĝin per laĉo el blua ŝtofo [2]; li faris la kurtenon el ŝtofo blua, purpura, kaj ruĝa, kaj el bisino [3]; reĝa vesto el blua kaj blanka ŝtofo [4]; ŝi […] distranĉis grandan pecon da silka ŝtofo kaj kudris malgrandan beletan saketon [5]; ili prenas la ŝtofon de la teksiloj, tranĉadis per grandaj tondiloj […] kudradis per kudriloj [6]; sur la reĝan veluro kaj purpuro fluadis malsupren ŝiaj maldolĉaj larmoj, kiel brilantaj diamantoj ili kuŝis sur tiuj ŝtofoj [7]; lana, silka, kotona ŝtofo; (figure) tio estas plumoj, viva vesta ŝtofo [8]; ili estis vestitaj simple, per plej maldelikata ŝtofo, sed ilia tolaĵo estis blindige blanka [9]; sub la diafana ŝtofo oni vidis ŝiajn virgajn brustojn, similajn al pomoj [10]; la pezaj faldoj de la punca ŝtofo Marta ; ĉu vi konsentus stari en magazeno, mezuradi ŝtofon Marta ; disvolvante antaŭ la okuloj de la du aĉetantaj virinoj unu el la blokoj da ŝtofo Marta ; ili […] imitis molan susuradon de ondiĝantaj ŝtofoj kaj mallaŭtan bruadon de disvolvataj puntoj Marta ; la regionaj krudmaterialoj, precipe ligno, metalo, ledo, ŝtofo, ŝtono [11].
2.  
(arkaismo) Substanco1: la ŝtofo, el kiu estas farataj la sonĝoj; la kreskaĵo enhavas en si multe da amelo kaj aliaj nutraj ŝtofoj FK ; ankoraŭ estas grandaj mankoj en nia scio pri la konsisto de la plantoj, kaj pri la kemiaj ŝtofŝanĝoj, kiuj okazas dum iliaj vivprocezoj [12].

subŝtofo  

TEKS Ŝtofo uzata sur la interna flanko de vesto: la sapisto elŝiris el la subŝtofo de sia malnova jako ruĝan ĉifonon [13]; multekostaj manteloj, subŝtofitaj per sciuraj feloj [14]; mi frotus vin ĉiujn al faruno kaj al la diablo mi donus vin ĉiujn por subŝtofo [15]!

tradukoj

anglaj

~o 1.: cloth, fabric, textile; ~o: material; sub~o: lining.

belorusaj

~o 1.: матэрыя, тканіна; ~o 2.: матар’ял.

bulgaraj

sub~o: подплата, хастар.

francaj

~o 1.: étoffe; ~o: étoffe; sub~o: doublure (de vêtement).

germanaj

~o: Stoff; sub~o: Futter (Stoff).

grekaj

~o 1.: ύφασμα.

hispanaj

~o 1.: tela.

hungaraj

~o: anyag, szövet.

italaj

~o 1.: stoffa, tessuto (tess.); ~o 2.: stoffa (fig.), tessuto (fig.); sub~o: fodera (interno di vestito o sim.).

katalunaj

~o 1.: tela, teixit; ~o 2.: material; sub~o: revestiment, folre interior.

nederlandaj

~o: stof, weefsel.

persaj

~o 1.: پارچه; sub~o: آستر.

portugalaj

~o 1.: estofo, pano, tecido.

rusaj

~o 1.: материал, материя; ~o 2.: материал.

svedaj

~o 1.: tyg.

tokiponaj

~o: len.

fontoj

1. L. L. Zamenhof: Fundamento de Esperanto, Ekzercaro, § 14
2. trad. L. L. Zamenhof: La Malnova Testamento, Eliro 28:37
3. trad. L. L. Zamenhof: La Malnova Testamento, II. Kroniko 3:14
4. trad. L. L. Zamenhof: La Malnova Testamento, Ester 8:15
5. H. C. Andersen, trad. L. L. Zamenhof: Fabeloj, vol. 1, Fajrilo
6. H. C. Andersen, trad. L. L. Zamenhof: Fabeloj, vol. 1, La novaj vestoj de la reĝo
7. H. C. Andersen, trad. L. L. Zamenhof: Fabeloj, vol. 1, Sovaĝaj cignoj
8. H. C. Andersen, trad. L. L. Zamenhof: Fabeloj, vol. 2, Najbaraj familioj
9. H. C. Andersen, trad. L. L. Zamenhof: Fabeloj, vol. 3, Malnova tomba ŝtono
10. B. Prus, trad. Kazimierz Bein: La Faraono, vol. 1, Ĉapitro III
11. Monato, Rita Rössler-Buckel: Metio kaj formo tradicio kaj progreso
12. W. F. Rolt: El la Polvo de la Tero, 1967
13. H. C. Andersen, trad. L. L. Zamenhof: Fabeloj, vol. 2, najbaraj familioj
14. H. C. Andersen, trad. L. L. Zamenhof: Fabeloj, vol. 4, La vento rakontas pri Valdemaro Doe kaj pri liaj filinoj
15. N. V. Gogol, trad. L. L. Zamenhof: La Revizoro, Akto kvina


ℛevo | datumprotekto | sxtof.xml | redakti... | traduki... | artikolversio: 1.33 2018/07/23 20:10:14