10Rejn/o ZR PIV1

10Rejno

GEOG
Rivero elfluanta el Svisujo, tra Germanujo kaj Francujo al Nederlando, kie ĝi enĵetas en la Nordan Maron: tie, kie Rejno ruliĝas antaŭen kiel unu sola longa ondo, falegas, estas vipata kaj aliformiĝas en neĝblankajn nubajn masojn, ― la ĉielarko flirtas super ili kiel libera rubando [1]; Jam malvarmetiĝas l' aero, ⫽ La Rejno mallaŭte babilas, ⫽ Per oro de l' sun' en vespero ⫽ La supro de l' monto rebrilas [2]; rapide li ŝin fortiris tra la mallumaj stratoj de Baĥaraĥ ekster la pordegon de la urbo sur la grandan vojon, kiu laŭlonge de Rejno kondukas al Bingen [3]; tiu, kiu veturis sur Rejno de Bazelo al Kolonjo, devis fine de la 16a jarcento doganpagi je 31 lokoj [4].
1. H. C. Andersen, trad. L. L. Zamenhof: Fabeloj, vol. 3, Sub la saliko
2. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
3. Henri Heine: La Rabeno de Baĥaraĥ, Ĉapitro I
4. Bo Sandelin: Historio de la ekonomika pensado, Monato, 2001/02
angle:
Rhine
beloruse:
Рэйн
bretone:
Rhin
bulgare:
Рейн
ĉeĥe:
Rýn
ĉine:
莱茵 [láiyīn], 萊茵 [láiyīn], 莱茵河 [LáiyīnHé], 萊茵河 [LáiyīnHé]
france:
Rhin
germane:
Rhein
hispane:
Rin
hungare:
Rajna
islande:
Rín
itale:
Reno
japane:
ライン川 [ラインがわ]
katalune:
Rin
latine:
Rhenus
nederlande:
Rijn
norvege:
Rhinen
perse:
رایْن
pole:
Ren
portugale:
Reno
ruse:
Рейн
skotgaele:
An Réin
slovene:
Ren
svede:
Rhen
ukraine:
Рейн

rejna

Rilata al Rejno: Baĥaraĥ apartenis iam al tiuj municipoj, kiuj estis fonditaj de la Romanoj en la tempo de ilia regado en la Rejnaj regionoj, [5]; la amikoj suriris Rejnan vaporŝipon por ĝui la belajn vidindaĵojn [6].
5. Henri Heine: La Rabeno de Baĥaraĥ, Ĉapitro I
6. John Merchant: Tri Angloj Alilande, Ĉapitro X.
germane:
rheinisch

Rejnlando

La regiono apud la germana parto de Rejno inter la limo kun Benelukso kaj Hesujo kaj Vestfalio: Karnavalo ĉi-jare estas relative mallonga, ĝi finiĝas jam la 5an de februaro, tion oni bedaŭras precipe en germana Rejnlando, la plej tradicia kaj furora karnavala regiono de Germanio [7]; laŭdis rabeno en la vera Jerusalemo la apudrejnajn klerulojn, en la 11a-13a jarcentoj ties tri judaj komunumoj intense interagadis, fariĝante modelo por la tuta Rejnlando [8].
7. Monato, Stefan Maul: Fum-karnavalo, 2008
8. Monato, Franz-Georg Rössler: Jerusalemo apud Rejno, 2014
germane:
Rheinland

malsupra Rejno

La parto de Rejno norde de la urbo Bonn: vintrinkadon li lernis kaj ŝakludadon, li komprenis, ke ambaŭ kapabloj estas duone arto kaj duone scienco, kaj […] la plejbono, kion li povus fari en tiu malgranda urbo ĉe la malsupra Rejno [9]; loko de la dua Luminesk' estas Kleve ĉe la malsupra rejno […], konata pro siaj unikaj salikoarboj kaj vastaj kampoj kun ventomueliloj [10].
9. Hanns Heinz Ewers: La Festo de la Rozoj, el la ronano „Vampir“, Literatura Mondo, feb-mar 1933, p. 25
10. Luminesk' 2, Esperanto Aktuell 2016/04, p. 21
germane:
Niederrhein (Flussabschnitt)

10Malsupra Rejno

1.
HIS Iu el diversaj historiaj administraj teritorioj ĉirkaŭ Koblenco kaj Kolonjo: Kavalira Kantono Malsupra Rejno en la Roma Regno, Generalgubernio Malsupra Rejno post 1814, Granddukujo Malsupra Rejno 1815 - 1822.
2.
POL Franca departemento formanta la nordan parton de Alzaco. (FR‑67)
Rim.: Ial Akademio de Esperanto en la 10-a OA oficialigis nur la alzacan departementon ignorante la diversajn historiajn teritoriojn.
angle:
département du Bas-Rhin
germane:
département du Bas-Rhin

10Supra Rejno

Franca departemento formanta la sudan parton de Alzaco. (FR‑68)
angle:
département du Haut-Rhin
germane:
département du Haut-Rhin

administraj notoj

Malsupra ~o : Mankas fonto, kiu estas nek vortaro nek terminaro.
Supra ~o : Mankas fonto, kiu estas nek vortaro nek terminaro.