^*prefer/i ^UV

(tr)

Doni favoron al io sekve de komparo kun io alia; elekti¹ ion kiel pli bonan aŭ akceptindan: estas certe enuige stari sur la ŝtuparo, mi preferas eniri [1]! kiu ne preferus barelon da vino, ol glason da biero [2]? [ili] preferis naĝadi en la kanaloj, anstataŭ viziti ŝin [3]; [ili] preferis la ŝteladon, militon aŭ rabadon, ol regulan laboron [4]; kiamaniere tiu helpo venos, li kompreneble tute ne sciis, kaj li preferis tute ne pensi pri tio [5]; oni ne renkontis ŝin volonte kaj preferis ĉirkaŭiri [6]; kaj preferos la morton ol la vivon ĉiuj restintoj [7]; Li ne atentas la vizaĝon de princoj, Kaj ne preferas riĉulon antaŭ malriĉulo [8]; ĉar Mi deziras bonfaradon, sed ne oferon, kaj konadon de Dio Mi preferas ol bruloferojn [9]; mia edzino preparas manĝojn, kiujn mi certe preferas al la manĝoj el la kuirejoj de la plej bonaj hoteloj [10]; ĉar mi estas kondamnata al la elekto inter du malnoblegaĵoj, mi preferas tiun, al kies plenumo min devigas la moralo kaj la religio [11]. favori, ŝati

Pli granda ŝato, favora sento aŭ sinteno al io: li […] esprimis preferon por sia propra stato [12]; virino antaŭ li donis sian preferon al alia viro [13]; kiam iu aliĝas organizon, li do jam devas scii, ke iafoje li devos malatenti siajn personajn preferojn [14].

Plivole ol; preferante: vi prenu la aŭtomobilon prefere ol la kaleŝon; ĉu estas juste antaŭ Dio aŭskulti vin prefere ol Dion, vi juĝu [15]; estas bone por vi eniri en vivon unuokula prefere ol, havante du okulojn, esti enĵetita en Gehenan de fajro [16].

Inda je prefero, pli bona, konvena aŭ taŭga: akiro de prudento estas preferinda ol arĝento [17]; ha! estus preferinde resti en la paradizo de Eldorado ol reveni en ĉi tiun malbenindan Eŭropon [18]; tiu bona maljunulo aranĝis al si situacion pli preferindan ol tiun de la […] reĝoj [19]; estas preferinde scii nenion kaj lasi dormi la aferojn [20].

Tio, kio pli bonas, profitigas aŭ donas ian superecon. atuto, avantaĝo