tradukoj: be cs de en es fr hu nl pt ru

*17kontrol/i

kontroli TEZ

(tr)
1.
Administracie ekzameni ion, por scii ĉu tio estas ekzakte kaj laŭregule farita: kontroli kontojn de banko, la biletojn en la teatro; la ŝtato severe kontrolas la enmigradon; kvankam la formiko ne havas estron nek kontrolanton, ĝi kolektas dum la somero ĝian manĝonZ.
2.
(figure) Detale esplori ion por scii ĉu tio estas konvene farita: kontroli fakturon, kalkulon; estas necese kontroli tiun fakton, aserton antaŭ ol decidi; kapabla edzino kontrolas la iradon de la aferoj en sia domoZ; la Lingva Komitato estas komisiita por zorgi la konservadon de esp-o kaj kontroli ĝian evoluon; kontroli la nombron de la membroj; la Eternulo starigis vin pastro, por ke vi estu kontrolanto super ĉiu frenezulo, kiu prezentas sin kiel profeton, kaj vi metu lin en karceronZ; drinku tutajn tagojn, sed kontrolu viajn agojnPrV; ni devas kontroli ĉiun vorton, ĉar alie li nin batos per silabojZ.
3.
Esplori, ĉu io estas konforma al supozo: oni iras al la kongresoj por kontroli, ĉu oni ĝuste ellernis la lingvon; mi volas definitive kontroli, ĉu mi povos...B; li ĉirkaŭrigardis por kontroli, ĉu vere minacas lin danĝeroB.

kontrolo TEZ

1.
Administracia ekzameno pri reguleco aŭ ekzakteco de io: la Liganoj komisias la Ligon por la ĝenerala kontrolo pri la plenumado de la interkonsentoj; kontrolo pri la spezoj; la supera kortumo havas kontrolon super la tuta ŝtata maŝinaro.
2.
Detala esplorado, ĉu io estas tia, kia ĝi devas esti: ne kredu al parolo sen propra kontroloPrV; se vi sendis malsaĝulon, sendu kontrolon (sk post li)PrV.

kontrolebla

Povanta esti kontrolata: facile kontroleblaj faktojZ; tio estas nur nekontrolebla aserto.

tradukoj

anglaj

~i : check.

belorusaj

~i : кантраляваць, правяраць; ~o : кантроль, праверка; ~ebla : якога можна кантраляваць.

ĉeĥaj

~i : kontrolovat.

francaj

~i : contrôler, vérifier; ~o : contrôle, vérification; ~ebla : contrôlable, vérifiable.

germanaj

~i : prüfen, nachprüfen, überprüfen, kontrollieren; ~o : Prüfung, Nachprüfung, Überprüfung, Kontrolle; ~ebla : nachprüfbar, überprüfbar.

hispanaj

~i : comprobar, inspeccionar, verificar, revisar; ~o : comprobación, inspección, verificación, revisión; ~ebla : comprobable, inspeccionable, verificable, revisable.

hungaraj

~i : ellenőriz; ~o : ellenőriz; ~ebla : ellenőrizhető.

nederlandaj

~i 1.: toezicht houden op; ~i 2.: controleren; ~i 3.: controleren; ~o : controle; ~ebla : controleerbaar.

portugalaj

~i : inspecionar, fiscalizar, conferir, verificar, apurar, averiguar, vigiar, disciplinar, controlar.

rusaj

~i : проверять, проверить, контролировать, проконтролировать; ~o : проверка, контроль; ~ebla : проверяемый, который можно проверить.

fontoj

~i : Mankas verkindiko en fonto.
~ebla : Mankas dua fontindiko.
~ebla : Mankas verkindiko en fonto.


[^Revo] [kontro.xml] [redakti...] [traduki...] [artikolversio: 1.17 2014/04/08 10:10:12 ]