tradukoj: be ca cs de en es fr hu nl pl pt ro ru sk

3konkord/o Z PV

konkordo  

Kora aŭ morala plenakordo; harmonio de sentoj kaj opinioj inter pluraj personoj: kie regas konkordo, regas ordo PrV ; konkordo malgrandaĵon kreskigas, malkonkordo grandaĵon ruinigas PrV . VD:konsento, simpatio

konkorda

En grupa interakordo: konkorda kunvivado [1].

konkordi

(ntr)
Interakordi, interkonsenti, harmonii: en mia propra kampo psikiatria ... necesas ordigi terminojn, kies uzado ne konkordas inter diversaj lingvoj [2].

konkorde kun, konkorde al  

(prepoziciaĵo)
Harmonie kun, akorde kun...: konkorde al tiu bruo ekmuĝis la urbanoj [3]; konkorde kun la monaĥeja regulo ili zorgadis pri malriĉuloj kaj malsanuloj [4].

malkonkorda

Kiu ne enhavas interkonsenton, harmonion, unuecon: kiel preskaŭ ĉiam okazas, la minoritatajn malkonkordajn voĉojn silentigis ... plimulto [5].

malkonkordo  

Diseco de sentoj, opinioj, agadoj, spirita malunueco: nenia afero estas pli malbenita, ol la dispartiiĝo kaj malkonkordo [6].

tradukoj

anglaj

~o: concord, accord, agreement, harmony.

belorusaj

~o: згода, угода, узаемаразуменьне.

ĉeĥaj

~o: konkordance, shoda; ~a: jednomyslný, svorný; ~i: být v jednotě, být ve svornosti; mal~a: v nejednotě, ve sváru; mal~o: nejednotnost, neshoda, nesoulad, nesvornost, rozkol.

francaj

~o: concorde, pleine entente; ~a: concordant, harmonieux; ~i: concorder, s'harmoniser; ~e kun, ~e al: en accord avec; mal~a: désuni, discordant; mal~o: discorde, dissentiment, mésentente.

germanaj

~o: Eintracht, Einmütigkeit.

hispanaj

~o: concordia.

hungaraj

~o: egyetértés, összhang.

katalunaj

~o: concòrdia.

nederlandaj

~o: eendracht.

polaj

~o: jedność, zgoda; ~a: zgodny; ~i: być w zgodzie, pokrywać (się z czymś); ~e kun, ~e al: zgodnie z; mal~a: niezgodny; mal~o: rozterka, scysja, waśń.

portugalaj

~o: concórdia.

rumanaj

~o: unitate, acord; ~a: conform; ~i: sunt conforme, suna bine, acoperi (cu ceva); ~e kun, ~e al: conform, potrivit; mal~a: discordie, nepotrivit; mal~o: dilemă , nedumerire, ceartă, ciocnire.

rusaj

~o: согласие, лад, мир, взаимопонимание.

slovakaj

~o: jednota, svornosť; ~a: jednomyseľný, svorný; ~i: byť svorný; mal~a: nejednotný, nesvorný, neznášanlivý; mal~o: nejednotnosť, nesvornosť, neznášanlivosť, rozkol.

fontoj

1. G. M. Escayola: Socia evoluo, Kajeroj el la Sudo, 1999-05
2. V. Banaitis: en: La universo nun alireblas en Esperanto, libera folio, 2014-03-06
3. Hasegawa T.: En Ĉinio Batalanta, 1954
4. -: Mallonga promenado tra historiaj monumentoj de Gdynia (Gdinio), [vidita en 2012]
5. L. E. Márquez, trad. T. del Barrio: Infanina Ludo, [2010?]
6. Sándor Szathmári: Satiraj rakontoj, Kain kaj Abel


ℛevo | datumprotekto | konkor.xml | redakti... | traduki... | artikolversio: 1.18 2019/06/29 22:10:18