*jak/o

*jako

TEKS Ekstera vesto, malfermiĝanta ĉe ia antaŭa parto, manikhava, kovranta la korpon ekde la ŝultroj ĝis proksimume la koksoj: la jako estas la ordinara senceremonia vesto de la okcidentaj eŭropanoj; el la felo faru jakon [1]; indiĝenoj […] en siaj vilaj peltaj jakoj prezentis strangan vidaĵon [2]; nun ni povas havi ŝafan lakton, ŝafan fromaĝon kaj lanajn ŝtrumpojn, eĉ lanajn noktajn jakojn [3]; post la trumpetistoj rajdis dekkelko da asiriaj kavaliroj, en pintaj ĉapoj, jakoj kaj malvastaj pantalonoj [4]; Jako, veŝto, eĉ kalsono // Ĝenus viajn movojn, dum ― // Sendepende de l' sezono ― // Taŭgas nur l' Adam-kostum' [5]! VD:kamizolo, veŝto
angle:
jacket
beloruse:
пінжак, куртка, тужурка
ĉeĥe:
kabát, krátký kabát, sako
ĉine:
上衣 [shàngyī], 夹克 [jiākè], 袄 [ǎo], 外衣 [wàiyī]
france:
veste (d'homme), veston
germane:
Jacke, Jackett, Sakko
hispane:
chaqueta
hungare:
zakó
indonezie:
jaket
itale:
giacca, giubba, giubbotto
japane:
背広 [せびろ], ジャケット [じゃけっと], 上着 [うわぎ]
katalune:
jaqué
nederlande:
jas
portugale:
paletó (de homem), casaco (de homem), jaquetão, japona, véstia
ruse:
пиджак, куртка, тужурка
slovake:
kabát, sako
svede:
jacka
tibete:
སྟོད་ཐུང་
ukraine:
куртка, тужурка, піджак

jaketo

1.
TEKS Mallonga jako: ŝi sin returnis kaj ekvidis belan junan fraŭlineton, kiu, bone kovrante sin per varma jaketo, kuris al ŝi Marta ; [kamarado] en blanka ĉemizo sub mallonga griza jaketo, kareseme rigardis ŝin [6]; jaketo de kelnero. VD:ĵaketo
2.
TIP Deprenebla, ne algluita papera kovrilo de bindita aŭ broŝurita libro, ofte kun kolora ilustraĵo.
angle:
jacket
beloruse:
1. жакет 2.  супэрвокладка
ĉeĥe:
kabátek, kazajka, sáčko, žaket
ĉine:
外套 [wàitào], 袄 [ǎo], 袄子 [ǎozi], 襦 [rú]
france:
1. veste (courte), blouson, pourpoint 2. jaquette (de livre), couverture (jaquette)
hungare:
könyvborító 1. kosztümkabát
itale:
1. giacchetta, giubbetto, giubba 2. copertina, sovracoperta
japane:
ジャケット [じゃけっと], カバー [かばー]
katalune:
jaqueta
nederlande:
jasje
portugale:
sobrecapa
ruse:
1. жакет 2.  суперобложка
slovake:
kabátik, žaket
ukraine:
жакет

trikita jako

Jako trikita el lano, kotono ks, portata super ĉemizo aŭ bluzo: ŝi ofte estis ĵetanta sur liajn ŝultrojn sian lanugan kaptukon, aŭ la malnovan trikitan jakon Metrop ; ŝi tute ne bezonis eliri tage tiel al la arbaro […] vestita en longa trikita jaketo kaj ŝalo kaj malnovaj, duonĉifonaj neĝŝuoj VRA . VD:pulovero
angle:
cardigan
beloruse:
кофта, вязанка
ĉine:
开襟衫 [kāijīnshān], 毛衣 [máoyī], 开襟羊毛衫 [kāijīnyángmáoshān]
france:
cardigan
germane:
Strickjacke
ruse:
кофта

administraj notoj