tradukoj: be bg cs de en es fa fr hu nl pt ru sk

^*industri/o ^PV

^*industrio

1.

Tuto de la artoj kaj metioj per kiuj oni produktas riĉaĵojn per transformado de krudaj materioj, kontraste kun terkulturo kaj komerco: la ŝtato devas interakordigi la bezonojn de terkulturo kaj industrio; lando kun prospera, naskiĝanta industrio.

2.

Aparta arto, metio aŭ plej ĝenerale agado per kiu oni produktas riĉaĵojn aŭ plivaloraĵojn per transformado de krudaj materioj: la industrio de fero, minoj, libro, ledo.

industria

1.

Rilata al industrio: industria ekspozicio, societo, lernejo, laboristo; industriaj artoj, produktoj.

2.

Havanta fortan industrion: industria lando, urbo; industriigo de l' kolonioj.

industriisto, industriulo

Profesiulo, kiu mastras aŭ direktas industrian aferon: Lapenna ... reelektiĝis en Londono en 1971 per nur kelkaj voĉoj kontraŭ la okcidentstila industriisto E. L. M. Wensing [1].

nutraĵindustrio, nutrindustrio

Industria branĉo ampleksanta kultivon, bredon, transformon de krudaĵoj al manĝaĵoj kaj ties livero al konsumantoj: Instrua centro pri nutraĵindustrio [2].

postindustria

Spertinta ekonomian evoluon, pro kiu la sekundara, industria sektoro malkreskis, kaj la terciara, serva sektoro graviĝis: la franca sociologo Alain Touraine ... publikigis la verkon La Postindustria Socio (1969) [3].