tradukoj: be cs de en es fr hu nl pt ru sk sv

1import/i

importi  

(tr)
1.  
EKON Venigi, enporti en landon komercaĵojn aŭ aliajn aĵojn el eksterlando: Kinŝaso importas rizon el Tajlando, Usono kaj Maroko, dum en la orienta kaj ekvatora provincoj la rizo putras [1]; Ĉinio komencis importi pli kaj pli da viando, kaj ankaŭ la bezono pri lakto daŭre kreskas [2]; importataj cigaredoj estas kaŝataj inter lignaĵoj kaj aliaj el Litovio importataj konstrumaterialoj [3]; li povus importi kudromaŝinojn en Tasmanion [4]. SUP:aĉetiANT:eksporti1
2.  
KOMP Konverti dosiero en iu formato al la formato de la koncerna programo: la programoj kapablas importi kaj eksporti dosierojn de ĉiuj kutimaj specoj [5]. ANT:eksporti2

importa  

EKON
Rilata al importado: importa komerco, statistiko; importaj komercaĵoj [6]; importaj ĉiutagaj bezonaĵoj [7].

importo

EKON
1.  
Importado: Aŭstrio protektis sin kontraŭ importo de kuirejaj aparatoj [8]; la pola eksporto kreskas pli rapide ol la importo [9]; importdokumentoj [10]; (figure) la nova antisemitismo baziĝas sur la importo de la konflikto en Proksima Oriento [11].
2.  
Importaĵo: pozitivaj faktoroj estas elimino de subvencioj kaj protekto kontraŭ importoj [12]; pli gravas ke la importoj el EU estas, krom konsumvaroj, duonproduktoj kaj teĥnologioj ege necesaj por la disvolvo de la pola ekonomio [13].

importado  

EKON
Enportado de komercaĵoj el eksterlando: fina rezulto estis nura importado de varoj malmultekostaj danke al financado de tiuj bankoj [14]; kvin EU-ŝtatoj krome haltigis importadon de jam permesitaj gen-produktoj [15]; ekde la 1980aj jaroj la komerca importado de Ĉinio ĉiujare meznombre pliiĝis je pli ol 15 % [16]; eĉ la Burbonoj […] ne malpermesis importadon de tritiko el Ruslando [17].

importaĵo  

EKON
Komercaĵoj el eksterlando: vivi pli-malpli memstare kun nur minimumaj importaĵoj kaj eksportaĵoj [18]; estis neniuj vendejoj, neniuj laborejoj, neniuj signoj de importaĵoj inter li [19].

importisto  

EKON
Komercisto, kiu importadas: tiu, kiu devas zorgi pri la administraj kaj doganaj formalaĵoj, estas tiu, kiu povas trakti tion plej facile: vendanto en sia lando, importisto en la sia [20]; importisto devas kunlabori kun internacia kontrolfirmao SGS por kontroligi la aŭton [21].

tradukoj

anglaj

~i: import; ~a: import; ~o 1.: importation; ~o 2.: import; ~ado: importation; ~aĵo: import; ~isto: importer.

belorusaj

~i: імпартаваць, увозіць (з-за мяжы); ~a: імпартны; ~o 1.: імпарт, увоз (з-за мяжы); ~o 2.: імпарт, імпартны тавар; ~ado: імпарт, увоз (з-за мяжы); ~aĵo: імпарт, імпартны тавар; ~isto: імпартэр.

ĉeĥaj

~i: dovážet, dovézt, importovat; ~o: dovoz, dovážení, import, importace, importování; ~ado: dovoz, dovážení, import, importace, importování; ~isto: dovozce, importér.

francaj

~i: importer; ~o 1.: importation, import; ~o 2.: importation; ~ado: importation, import; ~aĵo: importation; ~isto: importateur.

germanaj

~i: importieren, einführen; ~o: Import, Einfuhr; ~ado: Importieren, Einführen; ~aĵo: Import, Importgut, importierte Ware, Einfuhr, Einfuhrgut, eingeführte Ware; ~isto: Importeur, Einfuhrhändler.

hispanaj

~i: importar; ~o: importación; ~ado: importación; ~aĵo: importación; ~isto: importador.

hungaraj

~i: behoz (árut), importál; ~a: behozatali, import-; ~o: behozatal, import; ~ado: behozatal, importálás; ~aĵo: behozott áru, importáru; ~isto: importőr.

nederlandaj

~i: importeren, invoeren; ~ado: import, invoer; ~aĵo: importgoed, ingevoerde goederen.

portugalaj

~i: importar (economia, comércio); ~a: importador (adj.; economia, comércio); ~o 1.: importação (ação de importar; economia, comércio); ~o 2.: importação (coisa importada; economia, comércio); ~ado: importação (ação de importar; economia, comércio); ~aĵo: importação (coisa importada; economia, comércio); ~isto: importador (pessoa; economia, comércio).

rusaj

~i: импортировать, ввозить; ~a: импортный; ~o: импорт; ~ado: импорт, ввоз; ~aĵo: импорт, импортный товар.

slovakaj

~i: dovážať z cudziny; ~o: dovoz, dovážanie, import; ~ado: dovoz, dovážanie, import; ~isto: dovozca.

svedaj

~i: importera; ~ado: import.

fontoj

1. Zandandu Ntomono Zola: Nutra memsufiĉo serĉata, Monato, jaro 1999a, numero 10a, p. 15a
2. Franca pensfabriko: „La Zono kaj Vojo“ alportos pli da ŝancoj ...
3. Monato, Laimius Straznickas: Litovio ― Britio: Kontrabanditaj cigaredoj invadas Brition
4. Karel Čapek, trad. J. Vondroušek: Milito kontraŭ salamandroj, libro 1a, ĉapitro 3a
5. Roland Rotsaert: Programoj, Monato, jaro 1994a, numero 4a, p. 17a
6. Importaj varoj lumigas la Printempan Feston
7. Ĉinio penadas por kreskigi importon
8. Stefan Maul: Pozitive pri EU, Monato, jaro 1997a, numero 8a, p. 5a
9. Monato, , Stanisław Śmigielski: Eksporto nur al Okcidento, 2003
10. Monato, Laimius Straznickas: Litovio ― Britio: Kontrabanditaj cigaredoj invadas Brition
11. Monato, , Marko Naoki Lins: Veneno antisemita, 2005
12. Donald Rogers: Ekonomia miraklo aŭ malsano?, Monato, jaro 1997a, numero 2a, p. 14a
13. Monato, , Stanisław Śmigielski: Eksporto nur al Okcidento, 2003
14. Ro Sartor: Ploru pri Argentino!, Monato, jaro 2002a, numero 2a, p. 8a
15. Monato, Maul Stefan: Defio aŭ devio de politiko
16. Monato, , Mu Binghua: Ekonomia kresko daŭros, 2005
17. , , Marco Picasso: Pastaĵo, konsideroj kaj historio, ĉapitro 2a
18. Brian Kaneen, Wally Du Temple: NOREK-22: plia tre agrabla semajnfino en Esperantujo, La Ondo de Esperanto, 2002:11
19. H. G. Wells, trad. E. W. Amos: La tempo-maŝino, ĉapitro 5a
20. Bruno Flochon: Inkotermoj 2000, Monato, jaro 2001a, numero 3a, p. 29a
21. Fidilalao Henriel: Autokomerco pli strikte regulita, Monato, jaro 2007a, numero 1a, p. 12a


ℛevo | datumprotekto | import.xml | redakti... | traduki... | artikolversio: 1.34 2019/11/18 21:10:17