tradukoj: be cs de en es fr hu nl pl pt ru sk

*fotograf/i

*fotografiTEZ

(tr)
FOT
Fari bildojn de objektoj aŭ personoj per ĥemia aŭ elektronika procedo: la fotografisto fotografis min, kaj mi sendis mian fotografaĵon al mia patro [1]; fotografi monton, familion; kiam ĝin mi volis vidi proprokule, [...] per okuloj ĝin mi ne sukcesis trafi: tie sin tro multaj lasis fotografi [2]; SIN:foti

fotografa

Rilata al fotografarto: fotografa kliŝo, procedo; fotografa pozo [3]; ŝargkuplita aparato estas pli efikaj ol la fotografa filmo [4].

fotografoTEZ

PIV1
Ago fotografi.
Rim.: Kvankam la Fundamento tre klare preskribas la formon „fotografisto“, la uzo nomi la koncernan profesiulon „fotografo“ ricevis sankcion de iuj vortaroj (ekz-e PV) kaj eĉ de bonaj aŭtoroj: la formoj [...] fotografo kaj fotografisto estas samsencaj kaj ambaŭ estas uzataj [5]; oni povis fotografi sur plako ne elprenante ĝin el la fotografa ujo: tio ŝajnis trompo al ĉiu fotografo [6]. Supozeble temas pri nekonscia influo de naciaj lingvoj kaj ni ĝin citas nur por deadmoni de ĝi. Indas noti ankaŭ, ke la saman vorton iuj anglalingvanoj uzas kun la signifo „rezulto de fotografado“, alidire „fotografaĵo“. Uzo de la Fundamenta formo aŭ de derivaĵo de la mallongigita radiko fot ŝajnas al ni preferinda. Notu ke "fotografo" estas ago kaj "fotografaĵo" estas la rezulta bildo, dum "foto" estas la rezulta bildo kaj "fotado" estas agado.

fotografadoTEZ Vikipedio

PIV1
Ago fotografi: magnezio forbrulas kun forta lumo, tial antaŭ apero de modernaj fulmolampoj oni uzis magnezion por fotografado [7]; la parko allogas vizitantojn ne nur al ripozo, sed ankaŭ al fotografado [8].

*fotografaĵoTEZ Vikipedio

FOT
Bildo farita per fotografado: policanoj [...] komparis la vizaĝon de ĉiuj vojaĝantoj en la vagonoj kun fotografaĵoj [9]. SIN:foto

fotografiloTEZ Vikipedio

FOT
Aparato por fotografi: li posedis trirapidumbiciklon, elektran fervojon, [...] malgrandan fotografilon, ses patentpoŝtranĉilojn kaj ĉion eblan ceteran [10]; sinekdoĥo estas parolfiguro, [...] en kiu [...] specio uzatas por genro: kastelo por domo aŭ [...] kodako por fotografilo [11]. SIN:fotilo, fotaparato.

*fotografistoTEZ Vikipedio

Persono, kies profesio estas fotografi: en kino, la kameraisto (aŭ direktoro de fotografio aŭ ĉefa fotografisto) estas ĉefulo de la fotografia fako de la produktado [12]; mortis la portugala fotografisto Fernando Pereira, kiu havis en tiu momento nederlandan ŝtatanecon [13]. SIN:fotisto

fotografa aparatoTEZ

FOT(arkaismo)
Fotografilo: Karolo do alportas grandan fotografan aparaton kun plategaĵo [14]; dato de la unua observado de homo pere de teleskopo aŭ pere de fotografa aparato [15].

fotografartoTEZ Vikipedio

BELAFOT
Arto fotografi kaj ĉiuj kun ĝi ligitaj laboroj: Che Guevara [...] ankaŭ evoluigis grandan intereson pri fotografarto [16]; Archdeacon [...] interesiĝis pri ĉiuspecaj sciencaj problemoj, eltrovis plej diversajn perfektigojn en fotografarto, kartografio ktp. [17]. SIN:fotografio

tradukoj

anglaj

~i: photograph; ~o: act of taking a photograph; ~ado: photography; ~aĵo: photograph; ~ilo: camera; ~isto: photographer; ~a aparato: camera; ~arto: photography.

belorusaj

~i: фатаграфаваць; ~ado: фатаграфаваньне; ~aĵo: фатаграфія, фотаздымак, фотакартка, фота; ~ilo: фотаапарат; ~isto: фатограф; ~arto: фотамастацтва.

ĉeĥaj

~i: fotit; ~o: fotografování; ~ado: focení, fotografování; ~ilo: fotoaparát, fotografický aparát, foťák; ~isto: fotograf; ~a aparato: fotoaparát, fotografický aparát, foťák.

francaj

~i: photographier, prendre en photo; ~a : photographique; ~ado: prise de vue; ~aĵo: photo, photographie; ~ilo: appareil photo; ~isto: photographe; ~arto: photographie.

germanaj

~i: fotografieren, ablichten; ~a : fotografisch; ~o: Fotografieren; ~ado: Fotografieren; ~aĵo: Foto, Lichtbild, Bild; ~ilo: Fotoapparat, Fotokamera; ~isto: Fotograf, Photograph; ~a aparato: Fotoapparat, Fotokamera; ~arto: Fotografie, Photographie.

hispanaj

~aĵo: fotografía; ~ilo: cámara fotográfica; ~isto: fotógrafo.

hungaraj

~i: fényképez, fotóz; ~a : fénykép-, fényképészeti, fotografikus; ~o: fényképezés, fotózás; ~ado: fényképezés, fotózás; ~aĵo: fénykép, fotó; ~ilo: fényképezőgép; ~isto: fényképész, fotós; ~arto: fényképészet, fotógráfia.

nederlandaj

~i: fotograferen; ~a : fotografisch; ~o: fotograferen; ~ado: fotograferen; ~aĵo: foto; ~ilo: fototoestel; ~isto: fotograaf; ~a aparato: fotoapparaat; ~arto: fotografie.

polaj

~i: fotografować, robić zdjęcia; ~ado: fotografowanie, robienie zdjęć; ~aĵo: fotografia, zdjęcie; ~ilo: aparat fotograficzny; ~isto: fotograf; ~a aparato: aparat fotograficzny; ~arto: fotografia artystyczna.

portugalaj

~i: fotografar, tirar fotografia; ~a : fotográfico; ~o: fotografação; ~ado: fotografação.

rusaj

~i: фотографировать; ~o: фотографирование; ~ado: фотографирование; ~aĵo: фотография, фотоснимок, фотокарточка, фото; ~ilo: фотоаппарат; ~isto: фотограф; ~arto: фотография, фотоискусство.

slovakaj

~i: fotografovať; ~o: fotografovanie; ~ado: fotografovanie; ~ilo: fotoaparát; ~isto: fotograf; ~a aparato: fotoaparát.

fontoj

1. L. L. Zamenhof: Fundamento de Esperanto, Ekzercaro, § 32
2. Raymond Schwartz: La Stranga Butiko, ANGKOR'AŬ!
3. Raymond Schwartz: La Stranga Butiko, Imite rimite laŭ Julio Baghy. LA VIDVOHOMO MEDITAS
4. Vikipedio, Ŝargkuplita aparato
5. H. Seppik: La tuta Esperanto, § 45
6. R. Jentner trad. F. Szilágy: Röntgen, Norda Prismo 58/2
7. Vikipedio, Magnezio
8. Vikipedio, Urba parko de Antonín Dvořák
9. Privat Edmond: Aventuroj de pioniro, ĉap. 17a, p. 47-48a
10. Michael Ende, trad. Wolfram Diestel: La Senĉesa Rakonto, La Destino de Atrejo
11. Vikipedio, Sinekdoĥo
12. Vikipedio, Direktoro de fotografio
13. Vikipedio, Rainbow Warrior
14. Boris Kolker: Vojaĝo en Esperanto-lando, , Jean Forge: Saltego trans jarmiloj, leciono 23a
15. Vikipedio, Kronologio de la malkovroj de la sunsistemaj planedoj kaj de ties naturaj satelitoj
16. Vikipedio, Che Guevara
17. Vikipedio, Ernest Archdeacon


[^Revo] [fotogr.xml] [redakti...] [traduki...] [artikolversio: 1.27 2017/06/12 20:10:14 ]