¹ebri/a ^JED

1.

Konfuzita de alkoholo: la ebriaj de l' vino korteganoj komencis perdi la konscion [1]; en la mateno oni alveturigis lin morte ebrian [2]; kiel longe vi restos ebria? forigu vian vinon el vi [3]; vi trinkos sangon ĝisebrie de Mia buĉofero [4]; li saltas gracie, kiel urso ebria ^PrV . malsobra

2.

(figure) Konfuzita de sento, pasio, emocio: ebriaj pro la venko; ebriaj de l' ĝojo [5]; ebriaj pro la sateco ili tuj profunde ekdormis [6]; ebria pro kolerego, li eltiris revolveron [7]; dormebria pro subita vekiĝo [8].

(ntr)

Senti konfuzon pro alkoholo, similefika drogo aŭ sento: la maato ebriis kaj ne sobriĝis antaŭ Bulonjo [9]; sobri – mankas la kialo, ebrii – mankas la dezir' [10].

1.

Animstato de ebria homo: la patro […] pro la ebrio movis sin mallerte [11]; vera opinio montriĝas en ebrio ^PrV .

2.

Ĉia animstato simila al alkoholinfluo, malfortiganta la memregon kaj ekzaltanta la sentojn: lia buŝo ridetis, kaj la okuloj briletis kvazaŭ de malforta ebrio [12]; mi ne plu estis bridebla […] en preskaŭ senkonscia ebrio, mi kantis la anglan himnon [13]; la ĉevaloj ŝajnis kaptitaj de rapid-ebrieco [14].

deliro, ekstazo, frenezo

Kaŭzanta mensan konfuzon de ebrio aŭ simila al ebrio: la vino estas blasfemanto, ebriiga trinkaĵo estas sovaĝa [15]; ebriiga odoro [16]; ardanta kaj ebriiga [ŝi] promesis deliran kaj ne haltigeblan pasion [17].

Ebriiga substanco: ebriigaĵon ne trinku, nek vi, nek viaj filoj kun vi [18]; li ne trinkos vinon nek ebriigaĵon kaj li estos plena de la Sankta Spirito [19]. alkoholaĵo

(tr)

Kaŭzi ebrion: ni ebriigu nian patron per vino, kaj ni kuŝu kun li, por ke ni aperigu de nia patro idaron [20]; sendube ebriigis lin la odorplena vespera aero [21]; la senĉesaj krioj de la popolo ebriigis la princon [22].

(ntr)

Atingi tian konfuzon, kian donas konsumo de alkoholo: [Noa] trinkis el la vino kaj ebriiĝis, kaj nudiĝis en sia tendo [23]. drinki

Homo en ebria stato: ebriulo, kiu ne povis iri pli malproksimen [24]; ebriulo lin raŭke alparolis en nekomprenebla lingvo [25]; por ebriulo ne ekzistas danĝero ^PrV .

(ntr)

Ne plu ebrii, senkonfuziĝi, sobriĝi: jam du sitelojn da akvo oni elverŝis sur lin, sed ĝis nun li ne malebriiĝis [26]; estas nur nun, ke mi kvazaŭ elebriiĝas [27].

Kapdoloro, okazanta post ebrio: en Ruslando oni trinkas kukuman pekl-akvon por forigi postebrion [28]; ĉe tagiĝo ni estis jam satdormintaj kaj iom postebriaj [29]. postdrinka simptomo