tradukoj: be bg de el en es fa fr he hu it ms nl no pl pt ro ru sk sv vo

*ĉiam PV

*ĉiam  

(adverbo)
1.
En ĉiu koncerna tempo aŭ okazo: oni diras, ke la vero ĉiam venkas [1]; mi trinkas ĉiam mian kafon sen sukero; kie ajn rano iras, ĝi ĉiam marĉon sopiras PrV ; ĉemizojn […] ni nomas tolaĵo, kvankam ili ne ĉiam estas faritaj el tolo [2]; ne ĉiam daŭras malbona vetero, ne ĉiam daŭras homa sufero PrV ; li ĉiam ridadis, kiam li estis en tre bona humoro [3].
a)
En la tuta pasinta tempo: li ĉiam diradis al mi la veron [4].
b)
En tuta la estonta tempo: tiu ĉi grava tago restos por mi ĉiam memorinda [5]; mi restos por ĉiam via amiko.
2.
Senhalte kaj kvankam trans kutima limo, ne nepre senlime: la sonado de la korno fariĝadis ĉiam pli kaj pli forta [6]; la fremdulo, kiu estos inter vi, leviĝos super vi ĉiam pli kaj pli alte, kaj vi malleviĝos ĉiam pli kaj pli malalte [7]; la knabo Samuel ĉiam pli kreskis, kaj li plaĉis […] al la homoj [8]; David fariĝadis ĉiam pli forta, kaj la domo de Saul fariĝadis ĉiam pli malforta [9]; kiam la bela muziko ludis ĉiam plue, ŝi ne povis plu elteni, ĉar tio estis tro alloga [10]; li iris ĉiam pluen kaj pluen, tiel malproksimen, kiel li neniam antaŭe estis [11].

*ĉiama  

Konstanta, senĉesa: ekzemple: tiama, ĉiama, kioma, tiea, ĉi-tiea, tieulo, tiamulo [12]; la boneco de Dio estas ĉiama [13]; en katenoj ĉiamaj [14]; regis ĉirkaŭ li preskaŭ ĉiama nokto [15]; la supro de l' Blanka Monto / Estas blanka, ĉar / Ĝin kovras neĝo ĉiama [16]; mi petegas vin per la rajtoj de […] nia ĉiama reciproka amo Hamlet .

porĉiama  

Ĉiam daŭronta: porĉiama adiaŭ [17]; la kampoj ĉirkaŭ iliaj urboj ne estu vendataj, ĉar tio estas ilia porĉiama posedaĵo [18]; tro rapida edziĝo ― porĉiama kateniĝo PrV ; atakis ŝin mallumaj pensoj, […] timo je la porĉiama morto [19].

porĉiame  

Por ĉiam, sen antaŭvidebla ĉeso, eterne: koruptado okazas ankaŭ en demokratio, sed ĝi ne restas porĉiame kaŝita [20]; tiu lasta, kiu al Maria oferis la (ĵus ŝtelitan) meleagron, tiel porĉiame diktante nian kristnaskan menuon [21]; la diktaturo de la kristanismo jam malaperis, mi esperas ke porĉiame [22].

tradukoj

anglaj

~ 1.: always.

belorusaj

~ 1.: заўсёды, заўжды; ~a: заўсёдны, сталы, звыклы, вечны.

bulgaraj

~ 1.: винаги.

francaj

~ 1.: toujours; ~a: permanent, de toujours; por~a: perpétuel; por~e: éternellement, pour toujours.

germanaj

~: immer; ~a: ewig, immerwährend, ständig, stetig; por~a: immerwährend, ständig; por~e: für immer, ewig.

grekaj

~ 1.: πάντοτε, πάντα; ~a: συνεχώς.

hebreaj

~ 1.: תמיד; ~a: תמידי.

hispanaj

~ 1.: siempre.

hungaraj

~ 1.: mindig; ~a: mindenkori.

italaj

~ 1.: sempre.

malajaj

~ 1.: selalu.

nederlandaj

~ 1.: altijd; ~a: voortdurend, eeuwig; por~a: voor altijd, eeuwig; por~e: voor altijd, eeuwig.

norvegaj

~ 1.: alltid; ~a: evig; por~a: for alltid, evig; por~e: for alltid, evig.

persaj

~ 1.: همیشه; ~a: همیشگی; por~a: همیشگی، جاودانه، ابدی.

polaj

~ 1.: zawsze; ~a: wieczny; por~a: wieczysty.

portugalaj

~ 1.: sempre; ~a: constante.

rumanaj

~ 1.: mereu, totodeauna.

rusaj

~ 1.: всегда; ~a: всегдашний, постоянный, обычный, вечный; por~a: вечныый.

slovakaj

~ 1.: vždy; ~a: večný.

svedaj

~ 1.: alltid.

volapukaj

~ 1.: egelo.

fontoj

1. L. L. Zamenhof: Fundamento de Esperanto, Ekzercaro, § 16
2. L. L. Zamenhof: Fundamento de Esperanto, Ekzercaro, § 35
3. H. C. Andersen, trad. L. L. Zamenhof: Fabeloj, vol. 1, Vojkamarado
4. L. L. Zamenhof: Fundamento de Esperanto, Ekzercaro, § 24
5. L. L. Zamenhof: Fundamento de Esperanto, Ekzercaro, § 41
6. trad. L. L. Zamenhof: La Malnova Testamento, Eliro 19:19
7. trad. L. L. Zamenhof: La Malnova Testamento, Readmono 28:43
8. trad. L. L. Zamenhof: La Malnova Testamento, I. Samuel 2:26
9. trad. L. L. Zamenhof: La Malnova Testamento, II. Samuel 3:1
10. H. C. Andersen, trad. L. L. Zamenhof: Fabeloj, vol. 1, Floroj de la malgranda Ida
11. H. C. Andersen, trad. L. L. Zamenhof: Fabeloj, vol. 1, Vojkamarado
12. L. L. Zamenhof: Fundamento de Esperanto, Ekzercaro, § 30
13. trad. L. L. Zamenhof: La Malnova Testamento, Psalmaro 52:1
14. La Nova Testamento, Judas 1:6
15. H. C. Andersen, trad. L. L. Zamenhof: Fabeloj, vol. 3, Nokta ĉapo de fraŭlo
16. Raymond Schwartz: La Stranga Butiko
17. H. C. Andersen, trad. L. L. Zamenhof: Fabeloj, vol. 1, Vojkamarado
18. trad. L. L. Zamenhof: La Malnova Testamento, Levidoj 25:34
19. H. C. Andersen, trad. L. L. Zamenhof: Fabeloj, vol. 4, Infano en la tombo
20. Monato, Stefan Maul: Germanio: Pekoj de patriarko
21. Monato, Sylvain Lelarge: La argilaj najbaretoj de Jesuo provenca tradicio
22. M. de Seabra: Malamu Vin, Unu la Alian, 2009


ℛevo | datumprotekto | cxiam.xml | redakti... | traduki... | artikolversio: 1.32 2019/03/21 18:10:14