tradukoj: be br ca cs de en es fi fr hu id it nl oc pl pt ru sk tp tr

*afer/o PV

*afero Vikipedio

1.
Okupo, laboro aŭ tasko kiun oni faras aŭ intencas fari: la afero ne urĝas PrV; la obeado al la personaj gustoj en tiel komuna afero, kiel la nia, estas tre malutila[1]; en tiu ĉi lernejo la infanoj estas edukataj tre bone, ĉar la lernejestro sin okupas je sia afero kun amo [2]; faru vian aferon, Dio zorgos ceteron PrV; aranĝi la aferon [3]; nun ni transiru al la afero (al la diskutata temo); al la afero! PrV; pri kio estas la afero? PrV; saĝa tenas aferon, malsaĝa esperon PrV; zorgu pri viaj aferoj!; estas lia afero (tio koncernas lin) skribi al lia patro; li forveturis por unu tago pro tre grava afero [4]; min ne tuŝas la afero, mi staras ekstere PrV.
2.
Socia interago:
a)
Io koncernanta publikajn interesojn: tio estas ŝtata afero; ministro pri internaj, eksterlandaj aferoj; mi formetas de mi ĉian oficialan rolon en nia afero [5].
b)TEZ
JUR Io koncernanta privatulojn aŭ publikajn personojn, aparte traktata de oficialaj instancoj aŭ gazetaro; precipe juĝafero: defendu aferon de vidvino [6]; formeti la aferon en la keston de forgeso PrV; se saĝa homo havas juĝan aferon kun homo malsaĝa, tiam, ĉu li koleras, ĉu li ridas, li ne havas trankvilon. [7]; David ... ne forkliniĝis de ĉio, kion la Eternulo ordonis al li, krom la afero kun Urija, la Ĥetido [8]; mi esperas, ke mia afero baldaŭ venos antaŭ la tribunalon; krima, sensacia afero; sesono de la historio pritraktas la „aferon Lapenna“ [9].
c)TEZ
EKON Komerco, negoco: negocaj aferoj estas severaj PrV; amikeco aparte, afero aparte PrV; tago festa, for aferoj PrV.
3.TEZ
(figure) Io estanta en la mondo, konkreta aŭ abstrakta objekto, cirkonstanco, fenomeno: sen povo kolero estas ridinda afero PrV; dum mia vojaĝo mi vidis interesajn aferojn; scienca afero; pri kiu afero li parolas?; tio estas alia afero; paroloj kaj faroj estas malsamaj aferoj PrV; ne juĝu pri afero laŭ ĝia ekstero PrV; eĉ la plej nekredeblajn aferojn ... li tuj kredas [10]. VD:aĵo, objekto.

afera

Rilata al afero:
a)
bestaj radikoj kaj multaj aferaj radikoj signifas en verba formo „agi kiel tia besto aŭ afero“ [11].
b)
ĉe sociaj kaj aferaj kunvenoj kutime kaj laŭmore estas saluti kaj adiaŭi ĉiun personon individue, per manpremo [12]; retpoŝto estas tre efika en persona kaj afera korespondado [13].

afereca

Havanta aŭ afektanta seriozecon aŭ alian econ, necesan por pritrakti gravajn aferojn: afereca tono; fakte temas pri preskaŭ scienca faklibro en tre sobra afereca kaj preskaŭ senriproĉa lingvaĵo [14].

aferema

Inklina okupiĝi pri siaj aferoj; tre okupita de ili, aŭ ŝajniganta sin tia: antaŭe iras du aferemaj homoj kaj petas kamaradojn gejunulojn iome doni vojon [15]; tio ŝajnas stranga, ke en aferema kaj agema Usono ekzistas tiuj personoj [16].

aferisto

EKON Profesiulo pri aferoj2.c: lastatempe mi estis laborinta pli forte ol iu ajn el tiuj aferistoj, kies sorton mi tiom arde volis eviti [17]; Hadda estis ne nur teatrogeniulo, li estis ankaŭ ruza aferisto, scianta kiom valoras bona organizado [18]; mi metis ĉion en aferistan tekon [19].

amaferoTEZ Vikipedio

Ama kaj seksa interrilato.

juĝaferoTEZ

JUR
Tio, kio estas diskutata antaŭ juristo: Honkongo ĝuas altan memstarecon en administracio, leĝfarado kaj en juĝaferoj [20]; mi ne havas sufiĉan monon por gajni juĝaferon se direktoro K. atakas min pro kalumnio [21]; (figure) Vi, ho Sinjoro, defendis mian juĝaferon [22].

havi aferon kun

(frazaĵo) Pro negoco, juĝafero aŭ alia socia neceso rilati kun: tiam la rabistoj komprenis, ke ili havas aferon kun sekreta sorĉa forto, kaj kun timego ili forkuris [23]; ĉu ni povis scii, kun kiu kaj kio ni havos aferon? [24].

tradukoj

anglaj

~o 1.: object, thing; ~o b: case; ~o c: concern; ~o 3.: object, thing; ~o: matter, affair; ~a a: object-, related to objects; ~a b: business-, related to business; ~eca : business-like; ~ema: business-like; ~isto: businessperson, businessman; am~o: affair, love affair.

belorusaj

~o: справа.

bretonaj

~o 1.: afer; ~o b: afer; ~o c: afer; ~o 3.: tra.

ĉeĥaj

~o: případ, věc, věc, záležitost; ~a: aférový; ~isto: obchodní zástupce, správce majetku; am~o: milostná záležitost (s někým).

finnaj

~o 1.: asia, kysymys; ~o b: (oikeus)asia, tapaus, juttu; ~o c: liikeasia; ~o 3.: asia, (voi tarkoittaa jotain konkreettistakin, jää usein kääntämättä erillisellä sanalla); ~a : asia-; ~eca : asiallinen; ~ema: toimelias, puuhakas; ~isto: liikemies, liikenainen; am~o: rakkausjuttu, suhde. al la afero!: asiaan!; mi vidis interesajn ~ojn: olen nähnyt paljon mielenkiintoista; ne juĝu pri ~o laŭ ĝia ekstero : ulkonäkö pettää.

francaj

~o 1.: affaire, problème, question; ~o b: affaire, cas, cause, dossier, procès; ~o c: affaire, business , entreprise, commerce, firme, société; ~o 3.: chose, affaire; ~a a: de chose; ~a b: d'affaire(s); ~ema: affairé; ~isto: homme d'affaires, business-man; am~o: aventure, liaison; juĝ~o: affaire, cause, procès; havi ~on kun : avoir affaire à. la ~o ne urĝas: il n'y a pas le feu; nun ni transiru al la ~o: venons-en à notre affaire ; al la afero!: au fait !; pri kio estas la ~o?: de quoi s'agit-il?; zorgu pri viaj ~oj!: occupez-vous de vos affaires!, occupez-vous de vos pieds!; estas lia ~o: c'est son affaire, c'est son problème, c'est lui que ça regarde; min ne tuŝas la afero: ce n'est pas mon affaire, ce n'est pas mon problème, ce ne sont pas mes oignons, cette affaire ne me regarde pas; amikeco aparte, ~o aparte: en affaires, on ne fait pas de sentiment , les affaires sont les affaires; tio estas alia ~o: c'est une autre affaire, c'est autre chose, c'est une autre paire de manches; paroloj kaj faroj estas malsamaj ~oj: entre dire et faire, il y a un monde ; ne juĝu pri ~o laŭ ĝia ekstero : il ne faut pas juger de l'arbre par l'écorce, les apparences sont trompeuses.

germanaj

~o: Sache, Angelegenheit.

hispanaj

~o b: caso, asunto; ~o 3.: cosa, asunto.

hungaraj

~o 1.: ügy; ~o b: ügy; ~o 3.: dolog.

indoneziaj

~o a: urusan; ~o b: kasus; ~o c: bisnis; ~o 3.: hal; ~isto: [bisnis] pebisnis, [usaha] pengusaha; am~o: hubungan cinta.

italaj

~o: faccenda, affare, cosa.

katalunaj

~o: afer, assumpte, cosa.

nederlandaj

~o: zaak.

okcitanaj

~o: afar, causa.

polaj

~o 1.: sprawa, rzecz; ~o b: sprawa; ~o c: sprawa, interes; ~o 3.: sprawa, rzecz. nun ni transiru al la ~o: przejdźmy do rzeczy; al la afero!: do rzeczy!; pri kio estas la ~o?: o co chodzi?; zorgu pri viaj ~oj!: zajmij się zwoimi sprawami; estas lia ~o: to jest jego sprawa; grava ~o: ważna sprawa; min ne tuŝas la afero: mnie ta sprawa nie dotyczy; pri kiu ~o li parolas?: o czym mowa?; tio estas alia ~o: to jest inna sprawa; paroloj kaj faroj estas malsamaj ~oj: co innego mówić, a co innego robić ; ne juĝu pri ~o laŭ ĝia ekstero : nie oceniaj rzeczy po wyglądzie.

portugalaj

~o 1.: questão, assunto, negócio; ~o b: caso, questão, causa; ~o c: assunto, negócio; ~o 3.: coisa, assunto.

rusaj

~o 1.: дело; ~o b: дело; ~o c: дело; ~o 3.: вещь, дело; juĝ~o: судебное дело. grava ~o: важное дело; tio estas alia ~o: это другое дело.

slovakaj

~o 1.: záležitosť; ~o b: prípad; ~o 3.: vec; ~a: aférový; ~isto: obchodný zástupca, správca majetku; am~o: milostná záležitosť.

tokiponaj

~o: ijo.

turkaj

~o 1.: problem, sorun, iş, dert; ~o b: dosya(hukuk), dava; ~o c: iş, şirket, firma, ticaret; ~o 3.: şey, eşya; ~isto: iş adamı; am~o: macera(aşk). zorgu pri viaj ~oj!: kendi işinizle uğraşın; estas lia ~o: o kendisini ilgilendirir, o onun problemi; min ne tuŝas la afero: beni ilgilendirmez, o benim problemim değil; paroloj kaj faroj estas malsamaj ~oj: lafla pilav pişmez; ne juĝu pri ~o laŭ ĝia ekstero : görünüşe aldanmamalı.

fontoj

1. L. L. Zamenhof: Lingvaj Respondoj, La Esperantisto, 1891, p.49
2. Zamenhof: Aldono al la Dua Libro de l' Lingvo Internacia
3. trad. L. L. Zamenhof: La Malnova Testamento, Daniel 11:6
4. N.V. Gogol, tr. Zamenhof: La revizoro, 5:7
5. Zamenhof: La parolado antaŭ la Oka Kongreso Esperantista, Krakovo, 1912-08-11
6. trad. L. L. Zamenhof: La Malnova Testamento, Jesaja 1:17
7. trad. L. L. Zamenhof: La Malnova Testamento, Sentencoj ĉap. 29:9
8. trad. L. L. Zamenhof: La Malnova Testamento, I. Reĝoj 15:5
9. Petro DESMET': Politika historio de la neŭtrala UEA, Monato, 2007
10. L. L. Zamenhof: Fundamento de Esperanto, Ekzercaro, §41.
11. B. Wennergren: Verboj el ne-agaj radikoj, PMEG
12. Boris Kolker: Vojaĝo en Esperanto-lando, , A. Tilmont: Praktikaj informoj pri Antverpeno, leciono 11a
13. Boris Kolker: Vojaĝo en Esperanto-lando, , B. Kolker: Pri Interreto per simplaj vortoj, leciono 26a
14. Pejno S.: Faligas la fundamentojn de esperantismo, Monato
15. A. Solĵenicin trad L. Isajeva: La Paska Krucirado, LOdE 1994:2
16. trad V. Okc: Santa Feo, http://www.esperanto.mv.ru/Usono/truu22.html
17. Harry Harrison, trad. Reinhard Fössmeier k.a.: Naskiĝo de la rustimuna ŝtalrato, ĉap. 10
18. Deck Dorval: Urd Hadda murdita!, p. 16
19. Harry Harrison, trad. Reinhard Fössmeier k.a.: Naskiĝo de la rustimuna ŝtalrato, ĉap. 13
20. Alice LIU: Honkongo: «Migranta filo» post 10 jarojMonato
21. Dafydd ap Fergus: Vide el Bruselo: Kalumnio de malriĉa esperantisto, La Ondo de Esperanto, 2001. N-ro 10
22. trad. L. L. Zamenhof: La Malnova Testamento, Plorkanto 3:38
23. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
24. A. Grin, trad. J. Finkel: La mondo brilanta, 2010

am~o: Mankas dua fontindiko.
am~o: Mankas fonto, kiu estas nek vortaro nek terminaro.


[^Revo] [afer.xml] [redakti...] [traduki...] [artikolversio: 1.43 2015/07/04 08:37:29 ]