3teĥnik/o PIV1 , 3teknik/o PV

teĥniko, tekniko   Vikipedio

TEK Tuto da procedoj de arto aŭ metio: estas ĉiam necese esplori novajn teĥnikojn kaj adapti malnovajn al la juna Esperanto-poezio [1]; la vica konferenco AEST-84, t.e. „Apliko de Esperanto en Scienco kaj Teĥniko“, okazis en Brno en la jaro 1984a; juna laboristo, kiu iom okupis sin pri artaj aferoj, donis al li diversajn klarigojn pri la tekniko [2]; ĉiuj homaj genoj nun estas je dispono de scienco, sed precipe de tekniko kaj do ekonomio kaj komerco [3].
1. B. Ragnarsson: Iom pri la aliteracio, Norda Prismo, 58:1
2. Stellan Engholm: Infanoj en Torento, dua libro en la Torento-trilogio, unua parto, ĉapitro 2a
3. S. Maul: Defio aŭ devio de politiko, Monato, jaro 2000a, numero 10a, p. 6a
angle:
technique
beloruse:
тэхніка
france:
technique (subst.)
germane:
Technik
hispane:
técnico
hungare:
technika
itale:
tecnica (sost.)
nederlande:
techniek
pole:
technika
portugale:
técnica
ruse:
техника
slovake:
technika
svede:
teknik

teĥnika, teknika

Rilata al teĥniko: misteraj por la amaso terminoj teĥnikaj [4] IFA ne estas ordinara „skribsistemo“ sed aro da teknikaj signoj kaj ne celas esti uzata en la ĉiutaga vivo [5].
4. L. L. Zamenhof: Esenco kaj Estonteco, ĉapitro 3a
5. Yamasaki S.: En la serĉado de la skribsistemo perdita, Monato, jaro 1999a, numero 10a, p. 19a
angle:
technical
beloruse:
тэхнічны
ĉeĥe:
technický
france:
technique (adj.)
germane:
technisch
hungare:
technikai, műszaki
itale:
tecnico (agg.)
nederlande:
technisch
pole:
techniczny
ruse:
технический
slovake:
technický
svede:
teknisk

teĥnikisto, teknikisto  

TEK Artisto aŭ metiisto profesie uzanta aŭ prizorganta teĥnikon: la belgino […] demandis: „Juna sinjoro, ĉu vi jam delonge profesias kiel televidila teĥnikisto?“ [6]; Lanti […] kiel teĥnikisto, kiel materialisto tro fidis la teĥnikan progreson, ne antaŭvidante la riskojn, kiujn ni nun spertas [7]; kiam mi eklaboris kiel interpretisto por parizaj teknikistoj, mi ekĉasis iliajn slangaĵojn [8]. VD:inĝeniero
6. Pejno S.: Ĉu vi volas konjakon?, [2005]
7. G. Lagrange: Privat kaj Lanti, La Ondo de Esperanto, 1992:2-3
8. B. Kolker: Parizo slangas en Esperanto, Monato, jaro 1997a, numero 5a, p. 23a
angle:
technician
beloruse:
тэхнік
france:
technicien (subst.)
germane:
Techniker
hungare:
technikus, műszaki (szakember)
itale:
tecnico (persona)
nederlande:
technicus
pole:
technik
ruse:
техник
slovake:
technik
svede:
tekniker

genteĥniko, gentekniko

BIO Tuto de la procedoj por modifi la ecojn de vivuloj per ŝanĝoj en iliaj genaroj: la rifuzo de genteĥnike ŝanĝitaj nutraĵoj, la protekto de biologia diverseco, la mediprotektado ... – ĉiuj tiuj postuloj faras la agrokulturon centra demando [9]; la nuna situacio de la monda provizo de manĝaĵoj postulas la praktikadon de la gentekniko en agrikulturo [10].
9. J. Bové, F. Dufour, trad. V. Lutermano: La mondo ne estas varo, 2001
10. Sung Ho Cho: Gentekniko, Monato, jaro 1998a, numero 5a
france:
génie génétique
germane:
Gentechnik

elektroteĥniko, elektrotekniko

ELET Arto, procedoj, rimedoj por apliko de elektro al homaj bezonoj: „konektilo“ kaj „kontaktilo“ havas en elektroteĥniko pli ĝeneralan signifon HejmVort ; lia klopodado pri elektrotekniko alportis al li sukceson kaj internacian agnoskon [11]; popularas tamen kelnerado (pro trinkmono), kuirado (pro la eblo labori en prestiĝaj, eksterlandaj hoteloj) kaj elektrotekniko [12].
11. Monato, Julius Hauser: Pioniro de sendrata teĥnologio, 2014
12. Monato, Julius Hauser: Batalo por la studontoj, 2014
france:
électrotechnique, génie électrique
germane:
Elektrotechnik
itale:
elettrotecnica
pole:
elektrotechnika
ruse:
электротехника
svede:
elektroteknik

administraj notoj