setl/i

Establi loĝejon en nova teritorio: riĉaj homoj penas kadre de la leĝaro setli ĉe la usona riverbordo kaj tien transloĝigi siajn familianojn [1]; [li] setlis en Brazilo, kie li rekonstruis la entreprenojn helpe de eksterlandaj produktejoj [2]; Perto, naskiĝanta ĉefurbo de la frua deknaŭa-jarcenta okcident-aŭstralia setlado [3]; oni starigis komisionon en Aŭstralio por rekomendi kiel reamikigi aborigenojn kaj setlintojn [4]; (figure) amaso da neregistaraj organizaĵoj […] setlis (establiĝis) ĉirkaŭ EU en Bruselo [5]. ekloĝi, kolonii

Establejo de loĝejoj: en Kernavė troviĝas spuroj de kulturoj, kiujn postlasis homoj antaŭ 11 000 jaroj, inkluzive de kvar kastelmontoj, urbo, preĝejo, setlejo, tombejo [6]; fine de la 1a jarcento antaŭ Kristo la romianoj fondis setlejon Darioritum sur la teritorio de kelta tribo [7]; proksime de la unua juda setlejo oni trovis forlasitan katolikan monaĥejon [8]; bela setlejo, perfekte ekipitaj lernejoj, infanĝardeno […] bonorde aranĝitaj en la vilaĝo [9]. kolonio¹, kvartalo, vilaĝo, urbo