polu/i ^SPIV

(tr)

Malpurigi vivesencan elementon de la naturo: la urino kaj fekaĵoj de intense breditaj bestoj poluas riverojn [1] nuklea elektra energio […] ne uzas fosilian brulaĵon, kaj tiel ne poluas la medion per forcej-efikaj gasoj [2]; (figure) la angla lingvo ne nur danĝere, detrue poluas ĉiujn lingvojn de nia planedo, sed mem dialektiĝis en 38 anglajn apartajn nuancojn ene de 8 ĉefaj lingvaj grupoj [3].

Poluado kaj la rezulto de tiu ago: la vintra hejtado seriozigis la poluon en Pekino [4]; konstruado de elektrocentralo estas bazita sur pluraj studoj pri riskoj, kostoj, poluo [5].

La ago polui; polucio: la poleno informas pri la atmosfera poluado [6]; ŝi rifuzas vojaĝi per aviadilo pro la grandega poluado kaŭzata de ĉi tiu transportilo [7].

Polua substanco: aeraj poluaĵoj [8]; submara tubego, 47 kilometrojn longa, portas la poluaĵojn en la foson [9].

Poluo de aero pro malsanigaj aŭ malbonefikaj gasoj aŭ partikloj: la sanagentejo de UN raportis, ke la klimata krizo ankaŭ estas sankrizo, en kiu aerpoluo mortigis sep milionojn da homoj ĉiujare [10].

Poluo de natura akvejo pro enmikso de danĝeraj ĥemiaĵoj, varmigo, properigo de bakterioj...: multaj kritikis lian registaron pro fuŝoj pri manko de loĝejoj, kresko de malriĉeco, pliiĝo de akvopoluo [11].

Poluo pro tro multaj, tro konstantaj, tro laŭtaj bruoj: la nombro [de ĝibaj balenoj] rekreskis ĝis proksimume 135 000, sed implikiĝoj en fiŝretoj, kolizioj kun ŝipoj, kaj brupoluo daŭre kaŭzas vundojn kaj mortojn [12].

Poluo de grundo pro enigo de danĝeraj substancoj: la sekvantaj aferoj estas neetikaj: aer-, akvo-, kaj grundpoluo [13].

Poluo pro arta lumado dum normale malhela tempo: elektu lokon for de la lumpoluo de la urboj; ju pli malhela estas la medio, des pli bona estas la videbleco de la steloj [14].

Poluo de la mara medio: je la 12a de decembro 1999, la petrolŝipo Erika, konstruita en 1975, rompiĝis en du partojn en la danĝera Biskaja Golfo, ĉ. 70 km de la franca marbordo; tio kaŭzis marpoluon je skalo neniam vidita en Eŭropo [15].