⁴pivot/o ^JED

Ekstrema parto de akso, eniĝanta en truo, kie ĝi turniĝas: pivoto de rado en horloĝo; du pivotoj estu ĉe ĉiu tabulo, alĝustigitaj unu al la alia [1]; li almenaŭ iom riparis la birdon, sed li deklaris, ke […] la pivotoj estas eluzitaj kaj estas ne eble enmeti novajn tiamaniere, ke la muziko iru kun certeco [2]; la ŝtono cedis, turniĝis sur pivoto, kaj malkaŝis sekretan, tute senluman pasejon [3]. pivotradiko

(ntr)

Turniĝi ĉirkaŭ pivoto: (figure) pivotis la protestoj ĉirkaŭ la aserto, ke „tutcerte“ ekzistas io, pri kio certeco neniel eblas [4]; (figure) miaj konsideroj pivotas ĉirkaŭ plurjara observado, sed la apoteozo, la lasta guto, kiu okazigis elverŝon, estis la maja ekskurso [5]; (figure) malgraŭ la ordono, ke oni ne menciu la militon, la komedio pivotas ĉirkaŭ – evidente – mencioj pri la milito [6].