2opozici/o PV

opozicio

1.
POL Tuto de tiuj homoj, de tiuj grupoj aŭ partioj, kiuj kontraŭas la politikon de registaro, de estraro: en la parlamentoj, la oratoroj de la opozicio, dezirantaj malakceptigi iun projekton de la registaro, parolas dum pluraj tago […] (vd obstrukco) kun la sola celo malhelpi la laboron de la parlamento [1]; la registaro prezentis relative bonan leĝoprojekton de impostado kaj serĉis kompromison kun la opozicio por reformi la leĝan pensi-asekuron [2].
2.
POL Kontraŭstaro al la politiko de la registaro aŭ al la direktado de partiestraro: la opozicio de la altranguloj, tre forta antaŭ kelke da monatoj, hodiaŭ eksilentis kaj cedis la lokon al senlima humileco Far1 ; [ili] disvolvis instinktan opozicion kontraŭ ies persona monopolo [3].
3.
Rekta kontraŭeco, videbla kontrasto de du malsamaj elementoj.
a)
FON Kontrasto inter du fonemoj pro malsama sona trajto: la opozicio /i-u/ dependas de antaŭeco kaj rondeco [4].
b)
LIN Kontrastiga kunigo de kontraŭsencaj vortoj de sama gramatika rolo: opozicio estas kunigo de vortoj, kiuj laŭ sia kutima signifo estas kontraŭaj unu al la alia: freneze saĝa, terure bela [5]; la kontrasto estas pli forta, pli evidenta ĉe antitezo ol ĉe opozicio [6]. VD:oksimoro
1. Ivo Lapenna: Retoriko, Dua Parto
2. S. Maul: Monato, Germanio
3. Ivo Lapenna, Tazio Carlevaro kaj Ulrich Lins: Esperanto en Perspektivo, Kvara Parto
4. J. Wells: Lingvistikaj aspektoj de Esperanto, 1989
5. Ivo Lapenna: Retoriko, Dua Parto
6. Ivo Lapenna: Retoriko, Dua Parto
angle:
 opposition
beloruse:
 апазіцыя
france:
 opposition
germane:
 Opposition
hungare:
 ellenzék, oppozíció
nederlande:
 oppositie, tegenstand
pole:
 opór, opozycja, przeciwstawienie
portugale:
 oposição
rumane:
 opunere, opoziţie
ruse:
 оппозиция
ukraine:
 бути в опозиції, протистояння, опозиція, протиставлення

opozicii

(x)
1.
Agi kiel opozicio: opozicii la principojn, al la principoj de la partio; la ĉefopozicia partio denove komencis efike opozicii, tiel ke sendube gajnas demokratio en la brita parlamento [7].
2.
Kontraŭstari, oponi: en la 80-aj jaroj TEJO estingiĝis kiel fonto de novigaj ideaj impulsoj por la movado […], anstataŭ opozicii la nuna TEJO provizas UEA per laŭtaj postuloj pri mono [8].
7. Monato, Paul Gubbins: Opinio-(s)ondado, 2004
8. La Ondo de Esperanto, 2003, № 4 (102)
angle:
 oppose
beloruse:
1. быць у апазіцыі 2. працівіцца, супрацьстаяць
ĉeĥe:
 být v opozici, odmlouvat, odporovat, oponovat, vzepřít se
france:
 s'opposer (politique)
germane:
1. opponieren 2. in Opposition stehen
hungare:
1. ellenez, ellenzékben van 2. ellenáll
nederlande:
 oppositie voeren
pole:
 być w opozycji do czegoś
portugale:
 opor-se
rumane:
 fii în opoziție cu ceva
ruse:
1. быть в оппозиции 2. противиться, противодейство вать
slovake:
 byť v opozícii, odporovať, oponovať
ukraine:
 бути/знаходитися в опозиції, чинити опір, протидіяти, противитися

opoziciulo

Iu kiu opoziciadas, ano de la opozicio: la partidiskutado, kiu nun okazas, klare montras, kiun apogas la opoziciuloj Metrop ; la ĉi-sekva konfeso farita en 1936 certagrade senkulpigis la opoziciulojn [9].
germane:
 politischer Gegner, Opponent

administraj notoj