²mamut/o ^PrV

Genro el familio elefantedoj (Mammuthus), rostrulo ĝis 3 m alta kun longhara ruĝbruna felo, malgrandaj oreloj kaj kurbaj dentegoj; vivinta en Eŭropo kaj norda Azio ĝis la mezo de la kvaternara geologia epoko: en Siberio oni trovis likvan sangon de mamuto: do, la klonado de tiuj bestoj, malaperintaj fine de la lasta glacia epoko, alproksimiĝas [1]; fascinaj kiel dinosaŭroj: estas tiel priskribeblaj la mamutoj, kiuj vivis ĝis antaŭ 3700 jaroj en la nordaj regionoj de Eŭropo, Azio kaj Ameriko [2].

ostaro de mamuto (inter Mammuthus primigenius kaj Mammuthus trogontherii), el Steinheim ĉe Murr
CC BY-SA 3.0  [3]

1.

Rilata al mamuto: estas permesite libere vendi la eburon de mamutoj, sed ne tiun de elefantoj: tial elefanta eburo estas ofte vendita kiel mamuta [4].

2.

(figure) Kolosa; malmoderna sed okulfrapa: kresko mamuta, sed saĝo liliputa ^PrV ; ili aspektis mamute, veturis preskaŭ sen bruo, nur foje mi aŭdis la klakadon de kontaktoj […] ‐ la paket-liverantaj kamionoj de la Aŭstra Poŝto [5].