kaŭĉuk/o

kaŭĉuko

: Elasta gumo, poliizopreno, produktita aŭ el la laktosuko de kelkaj tropikaj arboj aŭ lianoj aŭ ĥemie produktita, vulkanizite (vd gumo²) uzata or pneŭoj, plandoj ktp: sulfurkaŭĉuko (kaŭĉuko prilaborita per sulfuro, kaj pli malmola ol la kruda, vd vulkanizi); elasta kiel kaŭĉuko [1]; ŝi turniĝis kaj signis per siaj kaŭĉukgantaj manoj, ke mi proksimiĝu [2]; ŝiaj piedoj iĝis molaj, kvazaŭ ili estus el kaŭĉuko [3]; la plej spurriĉa koto eĉ tenis stampaĵon de du bone distingeblaj kaŭĉukaĵoj [4]; policistoj pafis kaŭĉukokuglojn kaj ĵetis larmigajn gasbombojn al la protestantoj [5]. gutaperko

1. Sándor Szathmári: Vojaĝo al Kazohinio, Dua Ĉapitro
2. Sándor Szathmári: Vojaĝo al Kazohinio, Sepa Ĉapitro
3. Monato, Julian Modest: Bela sonĝo, 2007
4. Johán Valano: Ĉu li venis trakosme?, 5
5. Diversaj aŭtoroj: Kontakto 2011-2019, La 92-a elsendo de Varsovia Vento

: El kaŭĉuko: longforma kuvo el stano, en kiu pendis longa kaŭĉuka tubo venanta el la muro [6]; la berlina asfalto estas varmigita de la suno kaj trotado de kaŭĉukaj pneŭmatikoj ^Metrop; la laboristino ekridas, suprenfaldas sian puloveron, malkroĉas siajn kaŭĉukajn mamojn kaj ĵetas ilin en la paperkorbon [7]. elasta

6. Hendrik J. Bulthuis: Idoj de Orfeo, Unua Parto
7. Louis Beaucaire: Kruko kaj Baniko el Bervalo, En ĉiu brusto estas sia gusto

: Arbo el sudameriko (Hevea brasiliensis) el familio eŭforbiacoj, el kies laktosuko oni produktas kaŭĉukon: en la 19-a jarcento, tiu institucio grave influis la kulturon de heveo – la kaŭĉukarbo – kiu ĝis tiam estis trovebla nur en Sudameriko [8].

floraro de kaŭĉukarbo (Hevea brasiliensis)
CC BY-SA 3.0 [9]

8. La plej granda forcejo en la mondo, Esperanta Retradio, 2018-05-30
9. Vinayaraj, propra verko: https://commons.wikimedia.org/wiki/File:Hevea_brasiliensis_23.JPG