^*jup/o ^UV

^*jupo

: Vesto kovranta la malsupran parton de la korpo, ĉirkaŭpendante de la talio: rigida tola jupo [1]; [li] mallongan jupon ĉirkaŭ la koksoj kaj antaŭtukon kun bluaj kaj blankaj strioj [2]; li kaptis la jupon de la patrino, kvazaŭ li volus ĝin kisi [3]; ŝia jupo leviĝis kaj oni vidis blankajn ŝtrumpojn kaj tolajn ŝuojn [4]; duonlonga (ĝisgenua) jupo [5]; mini-jupo [6]; lernantoj pli kaj pli vestas sin laŭplaĉe: […] knabinoj per longaj jupoj fenditaj ĝis la femuroj, aŭ per mallongaj jupoj, kiuj videbligas la kalsoneton [7]; Lepido revenis al la benko kun la jupo de sia tuniko plena je prunoj [8].

1. H. C. Andersen, trad. L. L. Zamenhof: Fabeloj, vol. 2, Malnova domo
2. B. Prus, trad. Kazimierz Bein: La Faraono, vol. 1, Ĉapitro I
3. H. C. Andersen, trad. L. L. Zamenhof: Fabeloj, vol. 1, Kupra porko
4. Eliza Orzeszko, trad. Kazimierz Bein: La Interrompita Kanto, Ĉaptiro V
5. Ferenc Szilágyi: La Granda Aventuro, III.
6. Monato, Husejn Al-Amily: La vualo, romantika kaj erotika, 2007
7. Monato, Sagbadjelou Kokou/pg: Disputo neniel harfenda, 2006
8. Anna Löwenstein: La memoraĵoj de Julia Agripina, Parto Tria

: Jupo portata sub la ekstera jupo: lana subjupo [9]; tula subjupo [10]; la ĉolinoj estas la indiĝenaj virinoj de la boliviaj Andoj, kiuj portas sian hararon en du longaj harplektaĵoj, duonsferan ĉapelon, […] kaj faldumitan jupon kun multaj subjupoj [11].

9. B. Traven, trad. Hans Georg Kaiser: Mortula Ŝipo, Rakonto de usona maristo, Ĉapitro 24
10. Vikipedio, Tulo (teksaĵo)
11. F. Gutiérrez, trad. G. Tabard kaj M. Burghelea: Bolivio: la lukto de feminista ĉolino estas nun ĉe Interreto, Global Voices, 2019-11-16