¹fiktiv/a ^JED

1.

Nereala, ŝajna, trompa, malvera, neekzitanta: En la listo estas multe da fiktivaj membroj ^VdE ; fiktivaj kontoj de bilanco ^VdE ; Mi ja skribis tute alian nomon de la forsendinto kaj fiktivan adreson [1].

2.

Nereala, kvazaŭa, konvencia, supozita: Fiktiva estas la supozita komparo, se ĝi esprimas troigon, neeblaĵon, aŭ ion evidente ne-faktan: li staris konsternite, kvazaŭ la ĉielo estus falinta sur lin ^PAG ; konsideri la judojn kiel realan nacion, ne fiktivan [2]; la fiktiva rekto, kunliganta la Sunon kaj la Teron, kiuj samrapide kuras sur sia orbito [3].

3.

Fikcia: ekzistas ĉirkaŭ ducent dek verkoj de li, kiuj, kvankam la plejmulto estas fiktivaj, kaŭzis tre viveman impreson [4]; fiktivaj poemoj de reala Lojko […] permesas pli profunde eksenti la odoron de tiu epoko [5].