endemi/o

endemio

1.: Malsano reganta konstante en iu lando aŭ regiono: (figure) ili demandas sin, ĉu rasismo endemias en la lando de cent mil bonvenigoj [1]. epidemio, pandemio
2.: Specio aperanta nur en geografie limigita regiono: Flavgorĝa kanario [...] troviĝas kiel endemio nur en centrorienta Etiopio [2].

1. Monato, Garbhan Macaoidh: Ni hontas kaj postulas
2. Vikipedio, Flavgorĝa kanario

Havanta karakteron de endemio; enlanda, loka:

1.: kuruo estis endemia nur inter aborigenoj de Nov-Gvineo [3]; estis efektivigita rigora izolado de infektitoj […] oni kontrolis ĉiun alvenintan, precipe el endemiaj regionoj [4].
2.: 7% de la insulaj birdoj estas endemiaj [5].

3. Monato, Vladimir Lemelev: Nova etapo en biologio kaj medicino, 2006
4. Monato, Vladimir Lemelev: De kie venis kaj kial ĉesis netipa pneŭmonio?, 2005
5. M. Gutierres González: Okaze de la Internacia Tago de Birdoj, Radio Havano Kubo, 2014-12-09

: Specifa ekzisto de malsano, de vivula specio en unu aŭ kelkaj malgrandaj medioj aŭ regionoj: montaraj endemiismoj [6].

6. Vikipedio, , 2014-08-06