detektor/o ^PV

1.

Parto de radiricevilo, aranĝaĵo (kia ekz-e kristala aŭ vakumtuba diodo) rektiganta alternan kurenton por apartigi la utilan (la modulantan) signalon: la detektoro havas la rolon, samdirekti la altfrekvencajn vibradojn, kiuj estas senpere ricevataj [1].

2.

(evitinde) Detektilo: detektoroj, kiuj registras la elektronojn mem aŭ duarangajn signalojn [2]; se detektoroj […] ekregistros forpafon de la raketo aŭ radiigon de la tanko per lasera radio, elmetiloj sur la turo elpafos kelke da grenadoj, kiuj kreos ĉirkaŭ la tanko […] fumkurtenon [3]; la aĵoj plejparte datiĝas de meza bronzepoko kaj estis kutime trovitaj de metal-detektoroj [4]; ZnTe formas elstaran rentgenan kaj gamoradian detektoran materialon [5].