o ^ZR^PV

akreo, akro

: Eksa mezurunuo de tersurfaco valoranta inter 0,2 kaj 0,9 hektarojn laŭ lokoj kaj epokoj: brita akreo valoras proksimume 0,4 hektarojn, franca akreo valoras proksimume 0,5 hektarojn; en la jaro 1878, kiam d-ro Vincent fondis la someran universitaton, Chautauque okupis 150 akrojn da bela tero, sed trovis sin en tre praa stato ^FK; la ekologia vilaĝo situas sur 67 akreoj (1 akreo = ĉirkaŭ 40 aroj) [1]; 50 akreoj estas rezervitaj por parceloj, bieno kaj arbaro [2]; ŝi fariĝis terposedantino de parcelo 82 akreojn granda, kio ege multe entuziasmigis la pensiulinon [3]; vi posedas nur […] du akreojn da plugotero kaj apenaŭ paron da ĉifonoj [4].

Rim.: Akro nomiĝas ankaŭ la ĉefurbo de Ganao.

1. Monato, Garvan Makaj: Nova ekologia vilaĝo
2. Monato, Garvan Makaj: Nova ekologia vilaĝo
3. Monato, Laimius Stražnickas: Estigi lagetojn
4. Miguel de Cervantes Saavedra, trad. Fernando de Diego: La inĝenia hidalgo Don Quijote de la Mancha, dua parto, ĉapitro 2a, p. 407a