tradukoj: be de fr hu nl pl ru

^*tiom

Montra adverbo rilata al nedifinita, sed plej ofte, en praktiko, al granda kvanto, kaj:

1.: signifanta „tia kvanto, tia nombro“: ili prenis sur sin malfacilan taskon ĝuste, kiam ekzistis tiom da malhelpoj^Z; mi ne pensis, ke tiom da homoj pereis; la lipoj, kiujn mi kisadis tiom ofte^Z; tiom pli bone^Z; tiom multe da laboroj kaj suferoj^Z; tiom (tiom multaj) estis la jaroj de la vivo de Sara^Z; tiom malfeliĉoj^Z.
2.: montranta korelativecon: verŝu al mi tiom da akvo, kiom da vino; la patro donis al ni tiom da piroj, kiom da pomoj; mi havas tiom da libroj, kiom (aŭ: kiel) vi; Konfuceismo estas ne tiom religio, kiom filozofio; li havas tiom da kapablo, kiel mi^Z; helpu al li tiom, kiom vi povos; lasu lin demandi tiom, kiom li deziras^Z; mi povas diri almenaŭ tiom, kiom mi ĝin aŭdis^Z; mi prenas kiel atestantojn nin ĉiujn tiom, kiom vi estas^Z; kiom da kapoj, tiom da opinioj [1]; ĝi plaĉos al mi tiom same, kiel se miaj versoj estus elkriataj de publika anoncisto^Z.
3.: montranta sekvon de kvanto: estis tiom da homoj en la salono, ke ni apenaŭ povis moviĝi; li drinkis tiom, ke li ebriiĝis; tio estas tiom pli grava, ĉar li estas konata de ĉiuj; tiom (des) pli bone por ni^Z. kiom, tiel.