tradukoj: be cs de en es fr hu id nl pl pt ru sk sv

8plast/o SPV

plasto  

TEK Ĉiu substanco el la moderna grupo de la labormaterialoj, kreitaj surbaze de naturaj aŭ sintezitaj polimeroj, kapablaj akiri necesan formon sub premo en alta temperaturo, kaj konservi ĝin post malvarmigo: oni faras el plasto telerojn, mantelojn, korpojn de aŭto ktp. la lokomotivo konsistas ne nur el ŝtalo sed ankaŭ el aluminio kaj GFK, speciala plasto fortigita per fibroj [1]; pupo el plasto [2]; por enĉambra bonsajo oni elektas malprofundan ujon el ceramiko aŭ plasto [3]; oni ŝparas 60 % da energio, se oni produktas tiajn botelojn el recikligita plasto kaj ne rekte el nafto [4]; averaĝa aŭto havas 1,5 tunojn da ŝtalo kaj plasto por transporti homon 80-kilograman [5]; plastosaketoj [6]; en la 19a jarcento la usona presisto John Wesley Hyatt produktis la unuan naturan plaston, nome celuloidon [7]; oni produktas etilenon el nafto, el etileno polietilenon kaj el tiu la diversajn objektojn el plasto [8]. VD:plastika

plasta

1.
El plasto: la kovrado per plasta membrano povas antaŭenigi la floradon, la maturiĝon kaj la fruktoproduktiĝon de la plantoj [9]; oni havas nur tiajn modernajn pomojn envaksitajn, kvazaŭ plastajn [10]; la tuta vojo estas kovrita de pakaĵoj, plastaj manĝilaroj kaj kartonaj tasoj [11]; plastaĵoj [12].
2.  
(figure) Plasteca: ilia tuta organizo ŝajnas fariĝinta plasta, kaj emas deiri iomete de la gepatra tipo [13].

plasteca  

Simile al plasto modlebla, modifebla, facile ŝanĝanta sian formon; plasta2: ĉiu kliento devis meti siajn piedojn en ŝaŭme plastecan substancon, kiu tiam alprenis la formon de la piedo [14].

tradukoj

anglaj

~o: plastic.

belorusaj

~o: плястык, плястмаса.

ĉeĥaj

~o: plast, plastická hmota; ~a: plastový, umělohmotný, z plastu.

francaj

~o: plastique (substance); ~a: plastique (adj.); ~eca: malléable, plastique.

germanaj

~o: Kunststoff, Plaste; ~a: Plaste-, plastisch; ~eca : plastisch.

hispanaj

~o: plástico.

hungaraj

~o: műanyag.

indoneziaj

~o: plastik.

nederlandaj

~o: plastic, kunststof.

polaj

~o: plastik, tworzywo sztuczne.

portugalaj

~o: plástico.

rusaj

~o: пластик, пластмасса.

slovakaj

~o: plastická látka, umelá hmota; ~a: plastický.

svedaj

~o: plast.

fontoj

1. Monato, Virbovo-tirpovo
2. Monato, Gilbert Ledon: Misa mondo
3. Monato, Saliko: Kultivi bonsajon
4. Monato, Walter Klag: G-ran-da sukceso
5. Monato, Stefan Maul: Katastrofaj ciferoj
6. Monato, Roberto Pigro: Ĉiam pli malalten
7. Monato, Walter Klag: Plasto planta
8. Monato, Walter Klag: Plasto planta
9. Huang Yinbao: Efiko de kovrado per plasta membrano..., Scienca Revuo, 1994:1 (164), p. 56a-60a
10. Monato, El la nordia mitologio
11. Monato, Garbhan Macaoidh: Ho, tempoj! Ho, moroj!
12. Monato, Zoran Ćirić: Aĉeti tekokomputilon
13. Ĉarlz Darvin, trad. Klivo Lendon: La Origino de Specioj, ĉapitro 1a
14. A. Kvinke: Pri kutimoj kaj kalsonoj, Monato, 2006:2, p. 26a


ℛevo | datumprotekto | plast.xml | redakti... | traduki... | artikolversio: 1.16 2018/02/25 21:10:14