^*parazit/o ^UV

1.

Besto aŭ vegetaĵo, kiu vivas sur aŭ en alia estaĵo, sin nutrante per ĝiaj sukoj: visko estas parazito de kverko kaj pulo de homo; ŝi malkovris malgrandan paketon [da] arsenoza acido […] por ĝin surŝuteti sur siajn kolektojn, kaj tiamaniere detrui la parazitojn, kiuj povus ilin difekti [1]; tenioj ekzistas en la tuta mondo kaj estas la plej oftaj parazitoj [2]; Kagan esploris plej diversajn hipotezojn […] neniu infekto, ĉu bakteria, ĉu virusa, neniu kancero, neniu parazita malsano [3].

2.

(figure) Nenifarulo, kiu vivas koste de aliaj homoj, profitas de ilia laboro, manĝas konstante ĉe fremda tablo a.s.: ili ŝiris kaj ne ĉesis, laŭ la maniero de malpiaj parazitoj, Ili kunfrapis kontraŭ mi siajn dentojn [4]; vi volas, ke aliaj laboru, dum vi mem sidas sur ili kiel parazito kaj manĝas kaj vestas vin per fremda kosto [5]; vanta homo amas esti ĉirkaŭita de parazitetoj kaj flatistoj [6]; per la simpla diro, ke ilia varo estas simila al nia sed malpli kosta, […] ili rabis niajn klientojn, nature, mi forte batalis kontraŭ tiu parazita vendmaniero [7].

(x)

1.

Vivi parazite ĉe alia vivulo: oni memoru ankaŭ la viskon […], kiu iumaniere kvazaŭgreftiĝas, sur la arboj genetike tre malproksimaj, kiujn ĝi parazitas [8]; el la iksodoj ĝenerale la ŝildhavaj Ixodidae parazitas en reptilioj, malpli ofte en amfibioj [9].

2.

(figure) Vivi parazite je kostoj de aliaj homoj: ĉiuj […] laŭ li, nur parazitas en la bienoj kaj ŝajnigas nur la kantkapablon, por ricevi okazon por ekkapti delikataĵojn kaj gluton da vino [10]; tiuj, kiuj parazitas ĉe siaj mezklasaj gepatroj, ankoraŭ pensas, ke ili apartenas al la meza klaso, sed tio estas iluzio [11].

Vivulo sur aŭ en kiu vivas parazito; gastiganto: vundoj […] pro batalo inter la parazito kaj la parazitato, ofte iĝas pli-malpli tuberoformaj [12].

Parazita vivmaniero: la sudamerika heteroneto […] adaptiĝis al konstanta parazitismo ĉe aliaj naĝantoj – laroj kaj akvolaroj [13].

Parazito vivanta ekstere de la korpo de la gastiganto: je la preferataj korporegionoj de eksteraj parazitoj la felo estu kuspe premkovrata per la gluflanko de […] glueca bendo [14].

Parazito vivanta en la korpo de la gastiganto: kiel aliaj kantobirdoj [kantoturdo] estas atakata de eksteraj kaj internaj parazitoj kaj estas predata de katoj kaj rabobirdoj [15];