ninĵ/o, ninĵa/o, ninĝ/o

ninĵo, ninĵao, ninĝo

: Altnivela batalanto de Japanujo, spertulo je spionado, enfiltrado, mortigado, kunigado de informoj kaj, laŭ la komuna imagaro, nigre vestita kun kovrita vizaĝo: fojfoje ili estis rigardataj kiel saĝuloj — filozofoj aŭ ninĵaoj en arbaroj [1]; kiam mi havos filinon, mi instruos al ŝi kiel malaperi en l' aeron, kiel ninĵo [2]; mi forprenis mian brakhorloĝon kaj la dikan arĝentan dufingran ringon, kiu montris simion kaj ninĵon pretajn por interbatali [3]; en tiu ĉi bildrakonto, unu el la ovoj entuziasmiĝas je televide spektata ninĵao, kaj kreditkarte aĉetas nigran kostumon kaj aliajn batalilojn [4]; fakte, vi havos eĉ pli da ebloj, ĉar en la fizika vivo vi ne povas iĝi nevidebla (krom se vi estas ninĵo) [5]; laŭ Vikipedio ni havas ankaŭ la 4-an de Decembro kiel la ninĵaoj [6]; la usona animacia filmo Testudoj Ninĵao gajnas la specialan premion de la festivalo [7]; perfekta ekzemplo estas la kreditoj nomataj “Ninja” (ninĝo), akronimo por “no income, no job or assets” [8]; Rudolfo la Ninĝo renkontas Monstron, kiu atakas lin [9]. ŝinobo

1. ISIKAWA Takasi: Strigo-kafejo, Monato, 2016/08-09, p. 25
2. Itisha Giri: Kiam mi havos filinon, Beletra Almanako, n-ro 30 (oktobro 2017), paĝo 106
3. Cory Doctorow, trad. Edmund Grimley Evans: Malgranda sibo, ĉapitro 15
4. SIBAYAMA Zyun'iti: Bildorakonto de karaj ovoj, Novaĵoj Tamtamas, n-ro 295, paĝo 3
5. Platformo, IJK 2021: en la reto
6. Vidar Skretting: Decembro – monato de julo, kaj Esperanto!, Inter ni dirite, n-ro 3/2016, Norvega Junularo Esperantista
7. Zhang Shuang kaj Zhang Xiaotong: Okazis la premio-dona ceremonio de la 10-a Ĉina Internacia Kartona kaj Animacia Festivalo, El Popola Ĉinio (revuo), 2014-04-30
8. Frédéric Lordon, trad. Mike Leon: Kiam la financo ostaĝigas la mondon, Diversaj aŭtoroj: Le Monde diplomatique en Esperanto 2005-2007, septembro 2007
9. S. John Ross, trad. C. Gledhill: Risus: La ĉiuspeca rolludo