^*elast/a ^UV

1.

Facile kuntiriĝanta, etendiĝanta aŭ aliformiĝanta pro prema aŭ tira forto, kaj reprenanta sian antaŭan formon, kiam tiu forto ĉesas: el elasta ŝelo de saliko kaj el junko ili plektis fortikan reton [1]; la trunketo kaj folioj estas tiel flekseblaj kaj elastaj, ke ili ĉe la plej malgranda fluo de la akvo sin movas, kiel vivaj estaĵoj [2]; juna viro, enirante per elasta paŝo [3]; forta restis lia pafarko kaj elastaj estas liaj brakoj [4]; kaŭĉuk-elasta [5]; nenia gutaperka pilko […] povis konkuri en la fleksiĝemeco de iliaj movoj, kun la elasteco de iliaj saltoj ^Marta ; virino juna, bela, kun […] elasta talio ^Marta ; Paŭlo estingis sian cigaredon, elaste (risorte) saltleviĝis [6]; la elasta teksaĵo repuŝis ŝiajn batojn [7]; mizero piedojn sanigas, kolon elastigas ^PrV . kaŭĉuko, risorto

2.

(figure) Facile fleksebla kaj adaptebla al la cirkonstancoj: dolore ĝena silento ekregis […] sed la vigla kaj elasta menso de Adaha ne lasis ĝin longe daŭri [8]; la partoj de la internaj regularoj, kiuj koncernas la rajton paroli, estas kutime tre ĝeneralaj kaj elastaj [9]; [tiuj] principoj […] havas pli karakteron de elastaj konsiloj kaj atentigoj ol de rigoraj instrukcioj [10]; tiu belsona kaj elasta franca lingvo, prave admirata [11]; nia lingvo […] konstante pli riĉiĝas kaj elastiĝas [12].

adaptiĝi, fleksebla, malrigida