tradukoj: be bg de en es fr nl no pl ru sk sv

3anarĥi/o, 3anarki/o

anarĥio, anarkio  

1.  
Arbitro, perdo de kontrolo kaj prudento: nur por gardi nian lingvon kontraŭ anarĥio de la flanko de apartaj personoj, nia lingvo havas sian plej senpartie elektitan kaj el plej kompetentaj personoj konsistantan kaj konsistontan Lingvan Komitaton [1]; la sola celo, kiun la Fundamento havas, estas nur: gardi la lingvon kontraŭ anarĥio, kontraŭ reformoj arbitraj kaj personaj, kontraŭ danĝera rompado, kontraŭ forĵetado de malnovaj formoj, antaŭ ol la novaj estos sufiĉe elprovitaj [2]; malgraŭ – pro – la soldatoj regas anarĥio [3].
2.
POL Perdo de kontrolo, de regula funkciado en socio, en regado de lando: militaj konfliktoj, interna malstabileco, anarkio [4].

anarĥia, anarkia  

Senkontrola, malprudente senorda, arbitra: Albert Cossery […] ― la „mesaĝo“ de lia verkaro estas iel anarĥia, laŭdas pigrecon, socian marĝenecon, kontraŭ la pezo, la stulteco, la krueleco de ĉiuj potencoj, liaj herooj estas almozuloj, dormemaj riĉuloj, ĉiesulinoj, petolaj kaj sentabuaj farsuloj, kiujn li oponas al la diktatoreco de socia ordo kaj friponaj riĉuloj [5]; kiel konate ekde Aristotelo, anarkia oĥlokratio (= regado de la plebo) per sekva paŝo nepre fariĝas tiranio [6]; ilia socio ne povus esti pli simpla, kaj estas, en pozitiva senco, anarkia, la ikaranoj (utopianoj) konas nek registaron, nek policon [7].

anarĥiismo, anarkiismo, anarkismo PV  

POL Socia kaj politika doktrino, kiu celas absolutan individuan liberecon kaj forigon de ĉia ŝtata regado; senregeco, senestreco: Emma Goldman estis anarĥi-komunisto konata pro siaj anarĥiismaj verkoj kaj paroladoj [8]; laŭ unu vidpunkto, Esperanto estis parto de juda-bolŝevisma-anarkiisma konspiro (kia miksaĵo!) kaj tial abolenda, aŭ almenaŭ zorge regenda fare de la diktatoraj reĝimoj [9].

anarĥiisto, anarkiisto, anarkisto PV  

POL Adepto de anarkiismo: Taiji Yamaga estis japana anarĥiisto, pacifisto kaj esperantisto [10]; Ledon ja ĉiam estis anarkiisto kaj liaj vidpunktoj (kelkfoje radikalaj) ne ĉiam plaĉis al mi, povra neanarkiisto [11]; la anarkistoj partoprenantaj la sindikatan laboron [12].

anarĥiulo, anarkiulo  

1.
Homo kies konduto kaj vivmaniero estas senregula, senordega.
2.  
Anarĥiisto: Goliardistoj estas, kaj estis, laŭtempe de studado almenaŭ, la naturaj aŭ eksecaj anarkiuloj kaj kontestuloj de ĉio kio socie stagnas [13].

tradukoj

anglaj

~o, anarkio: anarchy; ~a, anarkia: anarchic, anarchist, chaotic; ~ismo, anarkiismo, anarkismo : anarchism; ~isto, anarkiisto, anarkisto : anarchist; ~ulo, anarkiulo: anarchist.

belorusaj

~o, anarkio: анархія; ~a, anarkia: анархічны; ~ismo, anarkiismo, anarkismo : анархізм; ~isto, anarkiisto, anarkisto : анархіст; ~ulo, anarkiulo: анархіст.

bulgaraj

~o, anarkio: анархия, безвластие; ~a, anarkia: анархичен; ~ismo, anarkiismo, anarkismo : анархизъм; ~isto, anarkiisto, anarkisto : анархист; ~ulo, anarkiulo: анархист.

francaj

~o, anarkio: anarchie; ~a, anarkia: anarchique, anarchiste (adj.); ~ismo, anarkiismo, anarkismo : anarchisme; ~isto, anarkiisto, anarkisto : anarchiste (subst.); ~ulo, anarkiulo: anarchiste (subst.).

germanaj

~o, anarkio: Gesetzlosigkeit, Anarchie, Unordnung, Durcheinander, Chaos; ~a, anarkia: gesetzlos, anarchisch, chaotisch; ~ismo, anarkiismo, anarkismo : Gesetzlosigkeit, Anarchie; ~isto, anarkiisto, anarkisto : Anarchist; ~ulo, anarkiulo: Anarch, Chaot.

hispanaj

nederlandaj

norvegaj

polaj

~o, anarkio: anarchia, bezład, chaos; ~a, anarkia: anarchistyczny, bezładny, chaotyczny; ~ismo, anarkiismo, anarkismo : anarchizm; ~isto, anarkiisto, anarkisto : anarchista; ~ulo, anarkiulo: anarchista.

rusaj

~o, anarkio: анархия; ~a, anarkia: анархичный, анархический; ~ismo, anarkiismo, anarkismo : анархизм; ~isto, anarkiisto, anarkisto : анархист; ~ulo, anarkiulo: анархист.

slovakaj

~o, anarkio: anarchia; ~a, anarkia: anarchistický; ~isto, anarkiisto, anarkisto : anarchista.

svedaj


fontoj

1. L. L. Zamenhof: Paroloj, Parolado antaŭ la Kvara Kongreso Esperantista en Dresden en la 17a de aŭgusto 1908
2. L. L. Zamenhof: Lingvaj Respondoj, 1. La Fundamento
3. Monato, Paul Gubbins: Taglibro de l' milito ... el la lando de Ŝekspiro
4. Monato, Roland Rotsaert: Mondaj Financoj: Post la kunsido de financistoj en Prago
5. Vikipedio, Albert Cossery
6. Monato, Vinko Ošlak: Dekstrismo en demokratio
7. Monato, Garvan Makaj': Komunikaĵo de Ikaro
8. Vikipedio, Emma Goldman
9. Monato, Donald Broadribb: Admirinda historilibro
10. Vikipedio, Jamaga Taiĵi
11. Monato, Claudinei Ribeiro: Memore al Gilbert Ledon
12. E. Lanti: Vortoj de k-do Lanti, „ho malfidemulo!...“
13. Vikipedio, Goliardio

~ulo, anarkiulo: Mankas dua fontindiko.


ℛevo | datumprotekto | anarhx.xml | redakti... | traduki... | artikolversio: 1.22 2018/10/06 12:10:14