spark/o

Elektra fajrero: tiu praa fulmo, kies sparko antaŭ milionoj da jarcentoj sur la Tero unuafoje ligis simplajn karbonajn kombinaĵojn en pli komplikajn molekulojn [1]; elektra sparko trakuris el mia brako en ŝian brakon [2]; oni povis produkti radioondojn per sparkomalŝargiĝo, tio ne estis konvena por radiofonio, sed Morsa aparato povis sendi la signojn per sparko en foran distancon [3]; (figure) neniam antaŭe li vidis tiajn okulojn […] en ili ludis diverskoloraj briloj, similaj al etaj sparkoj [4]; (figure) el unu okulo […] en la alian, kiam li eksilentis, transflugis akra sparko de plezuro [5]; (figure) tiom longe kiom ekzistas, en ilia menso, la plej eta sparko da espero […] nenia loga promeso igos ilin rezigni je tiu espero [6].

Tiu organo de eksplodmotoro kun elektra eksplodigilo, kiu produktas interne de la cilindro la sparkon, eksplodigantan la gasmiksaĵon: la miksaĵo estas enigata en cilindron, premata, kaj poste ekbruligata helpe de sparko, aperanta inter elektrodoj de sparkilo [7]; mi devis halti, ĉar mia veturilo postulis purigon de la sparkilo [8].