hadis/o, hadit/o ^NePiv

Raporto pri diroj kaj faroj de la profeto Mohamedo, parto de la sunao: sur la randoj de la tomboŝtono videblas […] instruaj sentencoj pri la agoj kaj eldiroj de profeto Mohameto (hadisoj) [1]; „Je la flanko de la profeto“, verko en Esperanto, kiu parte traktas pri hadisoj [2]; Al-Azhar instruas […] la islaman scion, kies koro estas la Korano, same kiel ĉion, kio al ĝi rilatas koncerne interpreto-metodojn, jurisprudencon, haditojn, lingvon kaj gramatikon [3]; haditoj estis transdonitaj dum generacioj [4].

Rim.: La esperantigo „hadiso“ estas preferinda, ĉar ĝuste tiel (hadis) asimilas la vorton la gravaj nacioj islamaj, en kies lingvoj samkiel en Esperanto mankas la sono [θ] (turka, uzbeka, tatara, bosna, la indoneziaj ...) kaj la lingvoj kiuj multe kontaktis kun la islamanaj (la bulgara, rusa, pola ...). [Sergio Pokrovskij]