faŝism/o ^PV

faŝismo

1.: Itala politika movado kaj reĝimo el la unua duono de la 20a jarcento, kiu celis la organizadon de la ŝtato sub severa disciplino kaj korporacia grupigo, kaj persekutis socialismon kaj komunismon: faŝismo regis dum la junaĝo kaj politika maturiĝo de Capitini, lia pozicio estis nete kontraŭa al la reĝimo, kaj malgraŭ siaj altaj kvalitoj de humanisto kaj filozofo, li estis enmarĝenigita en la kariero kaj eĉ elpelita el la laborposteno ĉe la kolegio [1].
2.: Ĉia reĝimo aŭ movado naciisma, totalisma, persekutanta alinacianojn kaj politikajn kontraŭulojn: mi esperantistiĝis en 1945 – en la jaro de la kapitulaco de Japanio, kiu liberigis tiun landon de faŝismo [2]; post la terura nazia reĝimo kaj malvenko en la 2a mondmilito, germanoj absolute ne volas denove persekuti minoritatojn kaj fremdulojn kiel Hitler, […] faŝismo do en la hodiaŭa Germanio ne havas tian ŝancon kian ĝi denove gajnis en multaj aliaj pli-malpli demokrataj landoj [3].

1. Monato, Carlo Minnaja: Ne trudu, ne mortigu ...
2. Monato, Yamasaki Seikô
3. Monato, Stefan Maul: Dekstraj tendencoj